Nota de prensa
Debate no Parlamento
OS SOCIALISTAS DIN QUE A APLU É UN INSTRUMENTO DE MANIPULACIÓN URBANISTÍCA CREADO A IMAXE E SEMELLANZA DOS INTERESES DO PARTIDO POPULAR
– A portavoz de Política Municipal do Grupo Parlamentario dos Socialistas de Galicia, Mar Barcón denunciou “o retroceso que a disciplina urbanística, a legalidade no mundo do urbanismo, a protección do territorio, os dereitos lexítimos dos cidadáns e o noso patrimonio natural sofren dende a chegada de Feijoo en Galicia”
-Barcon dixo que hai unha manipulación continuada da APLU, utilizando os recursos deste organismo para atacar aos adversarios políticos, filtrar documentos, e tapar problemas dos amigos
– Preguntoulle ao Conselleiro “si avala o urbanismo de Fisterra, e si tamén van a firmar un convenio como fixeron co Concello de Barreiros?”
– Emprazou ao Conselleiro de Medio Ambiente Territorio e Infraestructuras a “poñer coto aos desmans aos Alcaldes do Partido Popular, e asumir a súa responsabilidades para velar pola legalidade urbanística”
Santiago de Compostela, 4 de maio de 2011. A portavoz de Política Municipal do Grupo Parlamentario dos Socialistas de Galicia, Mar Barcón interveu hoxe no Pleno da Cámara Autonómica para interpelar á Xunta sobre definición de prioridades e o plan de traballo anual da Axencia de Protección da Legalidade Urbanística, e o anuncio das súas actuacións e as súas previsións. Alí denunciou “o retroceso que a disciplina urbanística, a legalidade no mundo do urbanismo, a protección do territorio, os dereitos lexítimos dos cidadáns e o noso patrimonio natural sofren dende a chegada de Feijoo en Galicia”.
A deputada dixo na súa intervención que os organigramas da Xunta non resolven os problemas e os repartos competenciais, e advertiu “xa que non son suficientes cando non hai nin eficacia nin capacidade nin vontade de facelo”, subliñou.
A parlamentaria socialista replicou “que as modificación na APLU non anunciaban nada bo”. E cualifico o percorrido do urbanismo en Galicia “coma a historia do litoral entre Barreiros e Fisterra”. Dixo que é “un triste percorrido que ameaza con converter o territorio nun taboleiro de xogo, especulación e favores políticos”, e proseguiu “no que a Xunta fai tempo que renunciou a ser o árbitro, e situouse, claramente no desleixo e o desprezo pola norma”.
A portavoz do PSdeG-PSOE tamén denunciou a “domesticación da APLU”. Lembrou que no ano 2009, Núñez Feijoo impulsou unha planificada reorganización da Axencia que pasou polo cambio estatutario, o cambio na dirección e a modificación das competencias. E aludiu as declaracións do Alcalde de Barreiros sobre este asunto, xa que sinalou que esta reestructuración “era unha moi boa nova, porque así lle quitaban de diante ao equipo que o denunciara”.
Barreiros
Barcon afirma que a legalidade da APLU e o seu cumprimento “ten que ver mais coa militancia e os intereses económicos da persoa afectada”, espetou. E puxo como exemplo o convenio asinado co Concello de Barreiros, por un importe de 14 millóns de euros, destinados para suplir as deficiencias de servizos de urbanizacións privadas construídas, autorizadas e impulsadas por un goberno municipal do PP que desatendeu todos os requirimentos que se lle fixeron para que respectara a lei, e que non quixo atender os requerimentos feitos dende o anterior goberno autonómico.
Dixo que esta decisión ten que ver con intereses de amigos dos amigos, e que obvia esixir ningunha responsabilidade, nin sequera política, ao primeiro muñidor de tal desfeita, que ten nome e apelidos, Alfonso Fuente Parga, Alcalde de Barreiros.
Gondomar
Tamén puxo de exemplo o exemplo urbanístico de Gondomar, e replicou que si “con Barreiros foi arroxado nas decisións, con Gondomar preferiu a prudencia e evitou tomar cartas no mantemento da legalidade urbanística, tolerando actuacións, que rematan todas e cada unha delas nos tribunais”, e insistiu “pero aí manda o interese do señor Louzán e de novo o interese xeral é sacrificado diante do partido”.
Fisterra
Sobre o urbanismo en Fisterra lembrou que dende fai unhas semanas confírmanse sentenzas do TSXG relativas á nulidade das licenzas outorgadas na recta da Anchoa en Fisterra. E aseverou “este escándalo tamén ten nome e apelidos: o do Alcalde de Fisterra, Jose Manuel Traba, un Alcalde que presume que non vive da política, como lle gusta ao Presidente da Xunta, os señores Pose e Muiño, donos dunha promotora afectada, e sobriños don entón alcalde de Muxía e o hoxe portavoz popular, Alberto Blanco e Daniel Domínguez, fillo do entón alcalde de Cee. Preguntoulle ao Conselleiro “si avala o urbanismo de Fisterra, e si tamén van a firmar un convenio como fixeron co Concello de Barreiros?”.
Tomadura de pelo
Barcon dixo que hai unha manipulación continuada da APLU, utilizando os recursos deste organismo para atacar aos adversarios políticos, filtrar documentos, e tapar problemas dos amigos. Por ultimo cualificou a folla de ruta urbanística de Galicia “como unha tomadura de pelo”, emprazou ao Conselleiro de Medio Ambiente Territorio e Infraestructuras a “poñer coto aos desmans aos Alcaldes do Partido Popular, e asumir a súa responsabilidades para velar pola legalidade urbanística”, resumiu.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
