NOTA DE PRENSA DO PARTIDO POPULAR
O PP afirma que a reordenación da dársena interior do porto burelés pode acoller un porto deportivo.
Barcia reúnese con xente do mar na Moncloa e di que reforzará a colaboración Confraría-ABSA-Concello para definir actuacións futuras no porto.
Millorar as infraestructuras, acabar o acceso ó porto e desenvolver a zona empresarial do Berbés, serán eixes do traballo dos populares.
Burela, 5 de maio de 2011.- O candidato do PP burelés á alcaldía, José María González Barcia, reuniuse onte durante máis dunha hora con xente do mar na Moncloa, para explicarlles as grandes liñas de actuación na materia. Barcia estivo acompañado polos tamén candidatos Patricia López Eijo e Manuel Fernández Valle.
O candidato dos populares afirmou que hai dúas cuestións sobre as que traballar, a reordenación da dársena interior do porto, e o incremento da seguridade. Sobre a primeira, manifestou que o estudio está practicamente rematado, e a través de unha recolocación dos pantaláns pemitirá gañar máis puntos de atraque. Sobre a segunda, o incremento da seguridade pasa pola prolongación do martelo que separa a zona de pesca da comercial ou a prolongación do dique de abrigo. Polo tanto, millorar as infraestructuras portuarias será un dos eixes fundamentais do traballo dos populares se gobernan Burela.
Barcia, que indicou que sen traballo e sen moverse as cousas non veñen solas, lembrou que o estudio de viabilidade do porto deportivo foi feito pola Xunta de Fraga en abril de 2005, e co propio Barcia de alcalde, cunha inversión superior ós sete millóns de euros; en cambio, o programa elaborado pola Xunta bipartita en materia de portos deportivos plantexaba sólo o aproveitamento da lámina de auga e para 2020. Por eso, indicou, reorganizando a dársena interior se pode conformar un porto deportivo, que cremos que se debe facer, pero tendo sempre en conta que o porto de Burela tén unha vocación claramente pesqueira, primeiro, e comercial despois.
O candidato popular tamén fixo mención ó acceso ó porto, obra que “tiña consignación nos presupostos do último goberno Fraga en 2005, que a Xunta bipartita retrasou hasta 2007, e que a propia Xunta bipartita paralizou e non foi capaz a reiniciar. Agora, dixo, está a exposición pública o novo proxecto, e cando se resolvan as alegacións hai que seguir cos trámites porque a obra é fundamental para Burela e así o dixo o propio consellerio de Medio Ambiente. O PP falará coa Xunta, tamén do PP, para axilizar a obra”.
Xunto a esta actuación, Barcia considera imprescindible poñer en valor os corenta mil metros cadrados de solo empresarial que hai no Berbés, para atraer empresas e crear emprego, aspecto sobre o que xira todo o programa electoal do PP burelés.
González Barcia, que recordou que o plan director do porto burelés foi redactado a finais de 2004 e principios de 2005 entre a Confraría, ABSA, Xunta e Concello, para definir o que se quería facer no porto, indicou que hai que recuperar ese vínculo de relación fluida entre o sector e o concello, algo que agora non se da polo
.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
