Referencia
CRISTÓBAL RODRÍGUEZ LOGRA A CLASIFICACIÓN PARA A FINAL DA COPA DO MUNDO DE
PENTATLÓN DE BUDAPEST
Cristóbal Rodríguez Fidalgo sigue facendo historia. O galego logrou en Budapest,
na súa segunda participación nunha proba da Copa do Mundo sénior, a
clasificación para a final. Viaxaba con ese obxectivo, aínda que sabía que non
sería sinxelo, pero o galego sigue dando grandes pasos cara a lograr a
clasificación para os Xogos Olímpicos de Londres 2012.
Cristóbal participaba no grupo A e dos 36 participantes lograban a clasificación
para a final os doce mellores. E o pentatleta galego fixo unha competición moi
regular e boa, acadando un total de 4.460 puntos que o levaron ata a novena
posición. Tivo unha magnífica actuación en combinada e fixo un bo papel tanto en
esgrima como en natación.
En total eran 104 pentatletas divididos en tres grupos e se clasificaron os 12
primeiros de cada un deles, polo que na final do domingo estarán 36 deportistas.
Na final comezarán coa proba de natación, para seguir con esgrima, hípica e
combinada.
Nesta fase previa participaron tamén os españois Aleix Heredia e Jaime López,
que non lograron a clasificación. Heredia, que estaba no mesmo grupo que
Cristóbal, finalizou na posición 27, mentres que López (grupo C) foi 22º
clasificado con 4.276 puntos.
Budapest é a terceira proba da Copa do Mundo, aínda que Cristóbal só participou
nas dúas últimas, e a seguinte celebrarase a finais do presente mes de maio en
China (Chengdu, 26-29 de maio).
Información da web da Federación Gallega de Triatlón e Pentatlon Moderno
http://www.fegatri.org/index2.php?option=com_content&task=view&id=645&pop=1&page=0&Itemid=42
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
