A XUNTA SOLICITA A FOMENTO QUE MODIFIQUE O DESVÍO EN LOURENZÁ DA AUTOVÍA DO CANTÁBRICO, FEITO SEN AUTORIZACIÓN AUTONÓMICA
Santiago, 12 de maio de 2011.- A Demarcación de Estradas do Estado en Galicia procedeu a executar o 3 de febreiro, sen autorización nin comunicación previa suficiente algunha á Xunta de Galicia, o desvío provisional en Lourenzá da Autovía do Cantábrico (A-8) coa N-634 a través da LU-153, eliminando o carril esquerdo do vial autonómico (sentido Masma-Lourenzá), co obxectivo de poder inaugurar ao dia seguinte os treitos Barreiros-Vilamar e Vilamar-Lourenzá da A-8, autovía que, segundo explicou hoxe a directora xeral de Infraestruturas, Ethel Vázquez, a Xunta considera urxente e estratéxica.
A Xunta de Galicia advertiu ao Ministerio, cando tivo coñecemento dos seus novos plans, de que esta conexión supuña un cambio substancial respecto ao acordado anteriormente entre a administración autonómica, Fomento e a propia empresa construtora.
Porén, o Ministerio modificou unilateralmente a solución para as obras de conexión da autovía A-8 coa N-634 que fora consensuada entre ambas as dúas administracións, levando a cabo a eliminación do carril esquerdo da LU-153 (sentido Masma – Lourenzá) nese punto. Este feito provocou numerosas queixas dos veciños e do resto de usuarios/as da estrada autonómica, así como dos alcaldes dos concellos afectados (Lourenzá, Alfoz y Ferreira do Valadouro) xa que, ao non poder continuar pola LU-153 ata Lourenzá e ter que desviarse pola N-635, teñen que realizar un percorrido de ida e volta pola estrada nacional ata a glorieta construída como parte do futuro enlace de Lourenzá.
Ante esta situación, a Xunta solicitou o cambio da sinalización horizontal e vertical e que se retomase a solución establecida previamente á posta en servizo do tramo A-8. Para facer viable esta solución, tanto dende o punto de vista funcional como da seguridade viaria, propúñanse dúas opcións: ampliar a visibilidade, actuando sobre o noiro existente, e volver a dar prioridade ao tráfico que circula pola LU-153 fronte ao da N-634, xa que os/as usuarios/as vense obrigados practicamente a deterse debido aos elementos redutores de velocidade instalados.
Incumprir a normativa
Segundo informou a directora xeral de Infraestruturas na Comisión 2ª de Ordenación Territorial, Obras Públicas, Medio Ambiente e Servizos, o conselleiro de Medio Ambiente, Territorio e Infraestruturas tamén contactou co Secretario de Estado de Planificación e Infraestruturas do Ministerio de Fomento o 24 de febreiro de 2011 a través dunha carta. Nela informaba que considera a A-8 unha autovía prioritaria e estratéxica e así mesmo requiría unha actuación urxente, ao entender que a posta en servizo do tramo de autovía non debía realizarse nin a costa de incumprir a normativa nin causando problemas de circulación que provoquen o malestar dos condutores que utilizan este vial autonómico, e, en consecuencia pedía que se ditasen as instrucións precisas para resolver a situación.
A directora xeral de Infraestrutura insistiu en que o mesmo día da inauguración, o 4 de febreiro de 2011, tivo entrada no Rexistro Xeral da Xunta de Galicia en Lugo un oficio da Demarcación de Carreteras do Estado en Galicia na que se remite documentación unicamente a efectos informativos e de coordinación entre ambas administracións, como titular da estrada LU-153.
A este efecto, destacou que “debemos informar que de conformidade co disposto no artigo 30 da Lei 4/1994, do 14 de setembro, de estradas de Galicia, soamente poderán realizarse obras, actuacións ou instalacións na zona de dominio público da estrada cando a prestación dun servizo público de interese xeral así o esixa, de obras imprescindibles para acceder á estrada ou de instalacións provisionais por prazo fixado, previa autorización do órgano competente da Administración titular da estrada”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
