Nota de prensa
O BNG DE CERVO DI QUE VOTAR AO PP EN CERVO E FACELO A FAVOR DA DESTRUCIÓN DO PATRIMONIO, DA DESFEITA URBANÍSTICA E O RETROCESO POBOACIONAL
Estúa explicou que nos anos de goberno municipal do PP en Cervo perdéronse 500 habitantes, multiplicáronse as desfeitas urbanísticas e o PXOM quedouse nun anuncio publicitario
Lonxe de aproveitar o valioso patrimonio municipal dedicáronse a destruílo como no Castro da Atalaia cuns trámites que terán consecuencias nefastas para o concello
Cervo, 17 de maio de 2011. O BNG de Cervo cuestionou hoxe a xestión do goberno municipal do PP nos últimos 12 anos, onde o concello baixou de categoría ao perder 500 habitantes mentres se multiplicaba o número de vivendas construídas que lonxe de mellorar as posibilidades de adquisición, encarecéronas e desfixeron espazos urbanos con herdanzas en forma de monstros de formigón e ferro a medio facer e débedas incobrables como os 1,2 millóns de euros que a inmobiliaria Pasillo Verde ten pendente de pago no concello así como a ampliación da ponte de FEVE sen facer. O candidato nacionalista á alcaldía, Xoán Antón Estúa, explicou que o PP non quixo aproveitar o valioso patrimonio cultural do concello para dinamizar a economía e dedicouse a destruílo como sucedeu co Castro da Atalaia nun proceso que aínda está aberto e sen solución e que moi posibelmente vai traer no futuro graves problemas para o concello por compensacións en danos dunha licenza de construción mal concedida.
Nos 12 anos de goberno popular en Cervo perdeuse categoría e 500 habitantes no municipio.
Estúa “preguntouse si un goberno municipal que rebaixa a categoría do concello e permite que 500 habitantes se vaian pode presumir de algo”. Para o nacionalista foi curioso ver como nos últimos anos “mentres se construían centos de vivendas en San Cibrao, estas non eran para os veciños e veciñas do concello que fuxían a outros veciños na busca de mellores servizos e un acceso á vivenda con mellores condicións económicas.” Os nacionalistas non centran as súas críticas so na desfeita urbanística e na rebaixa de poboación e categoría do concello; a xestión económica dos cuantiosos ingresos producidos polas taxas impostos de construción so serviron para “desfacer o feito e facer de novo” e non para mellorar as redes de saneamento secundarias que nunha boa parte seguen nun estado lamentábel.” “Daqueles tempos nos que o PP quería converter Cervo na Marbella do norte, quedaron as moles de formigón e ferro a medio facer e unha débeda de 1,2 millóns de euros que o concello xa non vai cobrar nunca, como tampouco se vai ver a ampliación da ponte de FEVE que estaba comprometida no proxecto,”concluíu Estúa.
Lonxe de aproveitar o valioso patrimonio cultural do concello para dinamizar a economía local, pola contra dedicáronse a destruílo
Os nacionalistas encararon a destrución do patrimonio cultural do concello como “ a morte dun recurso económico que xa ten difícil reparación”. Neste sentido Estúa, engadiu que “as licenzas concedidas para construír na Atalaia supuxeron a destrución dun ben patrimonial moi importante que ademais debería ser fonte de ingresos para o concello a longo prazo e que agora tal como van as cousas van camiño de converterse na súa ruína.”
O PXOM so foi un anuncio durante doce anos que foi paralizado conscientemente para permitir o negocio duns poucos.
Os nacionalistas lembraron que a redacción do PXOM foi un compromiso electoral do PP durante doce anos e “chegados aquí so temos dúas reunións e a última forzada polo Valedor do Pobo para explicarnos que a cousa aínda estaba en tramitación e que se rebaixaban as espectativas de crecemento previstas con anterioridade”. Houbo que devolver axudas públicas por non redactar os proxectos nos prazos previstos, paralizouse a redacción entre 2004 e 2009 e o documento que debía estar aprobado en 2006 ou 2007 prevé rematarse non antes do 2013.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
