Nota de prensa
A Deputación asume o arranxo da Ponte da Pena en Ourol logo de máis de 3 anos abandonada polo Concello
– A institución inviste 50.000 euros na construción desta infraestrutura que está derribada, bloqueando o principal acceso ás vivendas dos case 400 habitantes de Miñotos e Xeiriz
– Cobertura contraincendios, posta a punto do polígono industrial logrando que 5 empresas inicien a súa actividade, ou mellora de preto de 100 quilómetros de vías, centraron o esforzo inversor da Deputación en Ourol durante esta lexislatura
– En xuño, os veciños ourolenses non poderán realizar case 150 trámites coa administración mediante Internet porque o Concello rexeitou o Innova-TE malia ser totalmente gratuíto
A Deputación mellorará a Ponte da Pena situada no Concello de Ourol, achegando para elo 50.000 euros. Trátase dunha infraestrutura de titularidade municipal, que se atopa totalmente derribada dende hai máis de 3 anos. Esta situación bloquea o principal acceso ás vivendas de centos de habitantes, obrigando os veciños das localidades de Miñotos (170 habitantes) e Xerdiz (210 habitantes) a percorrer un treito moito máis longo para chegar ós seus fogares. Ante esta situación e a falta de resposta por parte do Concello, os cidadáns solicitaron á institución a construcción dunha nova Ponte. Tendo en conta a súa necesidade e a petición dos veciños, o Presidente da Deputación, José Ramón Gómez Besteiro, anunciou que o organismo provincial asume a construción da nova infraestrutura.
Esta actuación engádese os traballos levados a cabo pola institución neste Concello durante este mandato, enmarcados na aposta pola máxima cooperación cos Concellos, e dotados con máis de 2 millóns de euros. Só no que se refire á mellora de vías provinciais, así como de municipais, aforrando deste xeito custes ás arcas locais, o organismo provincial achegou 1,3 millóns de euros. Esta cantidade investiuse no acondicionamento de preto de 100 quilómetros de vías e dos accesos ós núcleos rurais de Rexulfe, Vilacimas, de Carmen a Cerdeiras, Chao de Bravos, Piñeiro, Cargadoiro e ás igrexa de Xerdiz e de Miñoto.
Non é a primeira vez que os veciños solicitan a colaboración da Deputación para mellorar servizos municipais. Por iso, mediante plans como o de Comunidades Veciñais ou Pequenas Infraestruturas, a institución executou traballos por valor de máis de 72.000 euros. Son exemplo delo, o abastecemento de auga a Laboa, o acondicionamento das comunicacións a Lobamorta, a mellora de infraestruturas viarias en Lobeiras, ou a remodelación e restauración dos contornos de diferentes igrexas e cemiterios municipais.
Bombeiros e polígono
A Deputación fixo que os veciños de Ourol contasen con servizo contraincendios logo de décadas de abandono nas que a anterior corporación provincial se negou a crear parques de bombeiros. O actual equipo de Goberno creou e puxo en marcha o Consorcio Provincial de Bombeiros, facendo posible que os máis de 1.200 habitantes de Ourol conten con cobertura contraincendios.
O impulso á actividade empresarial e comercial centrou boa parte do esforzo inversor da Deputación en Ourol. O organismo provincial investiu 500.000 euros no remate dos traballos necesarios para que hoxe este Concello teña un polígono en óptimas condicións, no que 5 empresas xa reservaron unha parcela para iniciar a súa actividade.
O único servizo co que non contan os veciños de Ourol é coa Administración Electrónica. O Concello rexeitou sumarse ó Innova-TE malia ser un proxecto tecnolóxico totalmente gratuíto. E é que a Deputación asume os custes da implantación da e-administración na provincia, aforrando 300.000 euros a cada municipio. Ante a negativa do Concello, os veciños de Ourol non poderán en xuño, cando o organismo provincial remate o desenvolvemento desta iniciativa, realizar dende Internet preto de 150 trámites coas administración. Deste xeito, terán que seguir gastando cartos e tempo desprazándose ó Concello ou ó Pazo de San Marcos.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
