O alcalde de Ribadeo di que sempre tivo un comportamento irreprochable coas AAVV e comunidades de montes

Nota de prensa:

FERNANDO SUÁREZ SUBLIÑA QUE SEMPRE TIVO UN COMPORTAMENTO INTACHABLE E IMPECABLE COAS ASOCIACIÓNS DE VECIÑOS E COAS COMUNIDADES DE MONTES. O REXEDOR RECALCA QUE AS CONTAS PÚBLICAS NON SON EMBARGABLES PORQUE HAI DOCTRINA CONSTITUCIONAL E XURISDICCIONAL QUE ASÍ O INDICA.

Ribadeo, 20 de maio de 2011. O alcalde de Ribadeo, Fernando Suárez, subliña que sempre tivo un comportamento intachable e impecable coas asociacións de veciños e coas comunidades de montes. O rexedor recalca que as contas públicas non son embargables, porque hai doctrina xurisdiccional e constitucional que así o indica. Deste xeito resposta ás manifestacións realizadas nas últimas horas por un grupo político que deu a coñecer un suposto auto do xulgado de Mondoñedo relativo ao litixio que a comunidade de montes de Ove ven mantendo desde hai tempo co Concello de Ribadeo.

Suárez Barcia dixo que “nós como Concello, sendo parte afectada, non temos coñecemento aínda xudicial ningún. Moito me estrana e me preocupa que a oposición sí o teña, desde logo vese a catadura moral do presidente da comunidade de montes desta parroquia”. O alcalde lembrou que “dito presidente hai uns meses meteu nun auténtico lío ao Concello por ruindade e por mala fé acusándonos de que o Concello lle debía diñeiro que xa estaba, como acreditamos convenientemente a posteriori, pagado desde había varios anos cos seus recibís firmados polo propio presidente da comunidade de montes de Ove e unha parte que quedaba pendente o Concello pagóullo de alí a uns días, despois de ter unha xuntanza con él pedíndolle que aprazara o contencioso. Él faltou á súa palabra, como é habitual neste persoaxe, e ao final o alcalde non se personou no xulgado e foi declarado en rebeldía e condenado en costas”.

O rexedor seguiu a relatar que “ata aí todo é correcto e o Concello ten que pagar as costas da outra parte pola ruindade do presidente desta comunidade de montes e ata aí aceptámolo, pero o que non aceptamos de ningunha maneira por moito que un auto diga o que teña que dicir. Hai doctrina xurisdiccional e constitucional da inembargabilidade das contas públicas, o Concello terá pagar as costas e os abogados da outra parte, aínda que de maneira moi inxusta por culpa do presidente desa asociación de montes, pero o que non vai pagar o Concello de Ribadeo son os intereses que nos estiman en 2.055 euros cando os únicos intereses que se poden calcular por ese montante ascenden a 251 euros”.

Fernando Suárez lamenta que “todo isto salga o último día de campaña, que nun medio de comunicación sexa un membro da oposición quen o diga, que noutro medio sexa outro membro da oposición e candidato a alcalde quen o diga porque o que está a facer o presidente da comunidade de montes de Ove, e ao mesmo tempo funcionario público municipal, non ten nome e non pasou na época democrática neste Concello en ningún sitio. Agardo que a xente tome nota de todo isto que está a pasar entre o Concello e o presidente dunha comunidade de montes de Ove, que utiliza o seu cargo e utiliza toda a súa presión para cargar políticamente contra un alcalde que con todas as asociacións de montes e de veciños durante catro anos tivo un comportamente intachable e impecable. Hai que mirar a boa fé deste personaxe”.