Rematan en Foz as actividades do programa Escolas Abertas coas Xornadas educativas para familias

NOTA DE PRENSA

A Delegación de Educación do Concello de Foz informa de que esta semana rematan
as actividades educativas do programa “Escolas Abertas” que se desenrolou
durante todo o curso 2010-2011 incluíndo diferentes cursos, para todos os niveis
educativos e familias,de inglés, informática, técnicas de estudio, prevención do
absentismo escolar, habilidades sociais, fomento da lectura,etc. e o programa de
radio “Radioeduc@” que se despedirá da súa audiencia o vindeiro martes de 19.00
a 20.00 horas na emisora municipal.
O curso remata coas *”Xornadas educativas para familias”* que se realizarán os
días 6, 7, 8 e 9 de xuño no Salón de Actos do Colexio Público Nº1 de Foz de
8.00h a 9.00h. Trátase de 4 xornadas dirixidas aos pais de alumnos de todo o
Concello, pero todo público en xeral que estea interesado en acudir ás xornadas
será benvido, nas que se traballarán 4 temas principais:
1.-Fomento da lectura: _”Sementando lectores_” o día 6 de xuño.
2.-Prevención do absentismo escolar e motivación nos estudios:”_Absentismo,
antesala do abandono escolar_” 7 de xuño.
3.-Formación sobre a internet e o uso responsable da mesma: “Enréd@te
” 8 de xuño.
4.-_Xestión e dinamización de asociacións_ 9 de xuño.
A través de presentacións en pps., debates, dinámicas participativas, expertos
nos distintos temas, etc. e sobre todo co intercambio de ideas, experiencias,
etc. dos asistentes traballarase de xeito conxunto coa finalidade de dotar as
familias das ferramentas necesarias para mellorar a educación dos seus fillos
dende o seus fogares. Din que os fillos veñen cun pan debaixo do brazo, pero o
que non traen é libro de instruccións e moitas veces é difícil saber qué facer
en determinadas situacións ou como levar a cabo estratexias para motivalos nos
estudios, coñecer o mundo dixital no que se moven, aproveitar as vantaxes que
nos brinda internet a todos os niveis e protexelos dos perigos que pode supoñer
o uso irresponsable da rede, implicarse na educación dos fillos e manter unha
relación fluída e boa coa escola, previr o absentismo e coñecer os recursos que
temos ao alcance para evitalo ou erradicalo,… de todo iso e moito máis
falaremos durante estas xornadas.
O venres 10 de xuño levarase a cabo a _I Olimpíada Matemática _dirixida aos
alumnos de 3º ciclo de Educación Primaria e ESO do Concello de Foz, sendo ésta a
derradeira actividade das “Escolas Abertas” do curso 2010-2011.
Se dexexan máis información, poden poñerse en contacto conmigo a través do
teléfono 664477878.