Nota de prensa
MAÑÁ CINCO SOCORRISTAS COMEZARÁN A VIXIAR AS PRAIAS DE BARREIROS. OUTROS 25 INCORPORARÁNSE A PARTIRES DO VINDEIRO 1 DE XULLO.
Barreiros, 14 de xuño de 2011. Mañá cinco socorristas comezarán a vixiar as praias de Barreiros, segundo daba a coñecer hoxe o alcalde, Alfonso Fuente Parga.
O rexedor dixo que “no noso concello haberá a partires de mañá cinco socorristas que estarán preparando o material e vixiando nas horas de baño, sempre mantendo toda a precaución por parte dos bañistas. Quérolles lanzar esa mensaxe para que saiban que están vixiando e atendendo os areais, pero non como será a partires do vindeiro 1 de xullo”.
Alfonso Fuente subliñou que “desde o 1 de xullo haberá en total 30 socorristas traballando nas praias de Barreiros, pero nestes primeiros días queremos estar pendentes por si veñen xornadas de bó tempo como ocorreu a pasada fin de semana e como pode vir o seguinte. Así cubriremos estes días”.
Do 15 ao 30 de xuño Barreiros contará con 5 socorristas ao igual que do 1 ao 15 de setembro. E do 1 de xullo ata o 31 de agosto serán 30 os que velen pola seguridade dos bañistas.
Limpeza areais
O alcalde barreirense lembrou que “as nosas praias están a ser limpadas e preparadas para uso e disfrute dos que nos visitan desde o pasado 1 de xuño e así seguiremos ata mediados de setembro. Agora estáse a retirar toda a porquería que foi soltando o mar durante o inverno e preparándoas para despois facer tarefas de mantemento durante os meses de verán”. Na limpeza das praias traballan tamén preto dunha treintena de persoas.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
