Nota de prensa
Catro liberados con soldos exuberantes para un concello de 3.500 habitantes
DEMETRIO SALGUEIRO RAPA: dedicación exclusiva de 3.866,24 euros brutos mensuais distribuídos en catorce pagas.
MARÍA DOLORES MEITÍN GUERREIRO: dedicación exclusiva de 2.356,58 euros brutos mensuais distribuídos en catorce pagas (900 euros ao mes máis que na anterior lexislatura).
ANA MARÍA ABAD LÓPEZ: dedicación parcial (por unicamente 15 horas semanais de traballo) de 1.001,79 euros brutos mensuais distribuídos en catorce pagas (100 euros ao mes máis que na anterior lexislatura).
CRISTINA IGLESIAS GUERREIRO: dedicación parcial (por unicamente 15 horas semanais de traballo) de 662,73 euros brutos mensuais distribuídos en catorce pagas (na anterior lexislatura non existía esta dedicación).
O grupo municipal do BNG de Xove votou a favor de dúas dedicacións exclusivas e en contra das outras dúas dedicacións parciais. Na súa argumentación, o Bloque xovense advertiu estar dacordo con que o goberno local designe dous liberados políticos, pero que entenden “excesivas” as catro dedicacións aprobadas polo PP.
Nesta liña, os nacionalistas advertiron tamén que o seu voto afirmativo a estas dúas dedicacións exclusivas non supón a conformidade do grupo do BNG coas retribucións establecidas polo propio equipo de goberno e que os salarios que os políticos populares se autoasignaron son “total responsabilidade dos concelleiros e concelleiras do Partido Popular”.
Dous exemplos de incoherencia:
Demetrio Salgueiro aseguraba nunha noticia publicada por La Voz de Galicia o 11/11/2006, seis meses antes de ser proclamado primeiro edil de Xove, que «o alcalde (Jesús López, naquel entón) ten unha categoría profesional pola que non podería pasar dos 2.200 euros mensuais». O seu salario actual ascende a 3.866,24 euros brutos mensuais.
“O PP de Mondoñedo só apoiará unha dedicación exclusiva no equipo de goberno municipal. De actuar en sentido contrario estarán demostrando que o pacto de goberno o único que persegue é resolver situacións persoais dos seus integrantes e non mira polos intereses xerais dos veciños de Mondoñedo”. Así se expresou Elena Candia nunha nota de prensa enviada esta semana aos medios de comunicación. Os concelleiros do PP de Xove votaron a favor dela para deputada provincial, pero non tomaron exemplo das súas palabras. O goberno de Mondoñedo terá dúas dedicacións exclusivas para 4.500 habitantes. Xove terá dúas dedicacións exclusivas e dúas parciais (por só 15 horas de traballo semanal) para 3.500 habitantes.
Dous exemplos de coherencia:
En Ribadeo o BNG gobernará con maioría absoluta, igual que en Xove, pero só haberá unha dedicación exclusiva: a do propio alcalde, de 2.000 euros netos mensuais. O pleno de Ribadeo está conformado por 13 edís. Xove ten só 11.
En Viveiro, con 16.211 habitantes, o BNG cogobernará con dúas medias dedicacións. Se aplicáramos a proporción de liberados políticos que o PP destina a Xove, e tendo en conta o número de concelleiros da corporación e non o número de habitantes (porque entón sería un escándalo), en Viveiro o Bloque debería gobernar con dúas dedicacións exclusivas totais.
O grupo municipal do BNG de Xove manifestou no pleno celebrado hoxe que estes exemplos veñen ratificar a diferenza entre a ética política dos gobernos do Bloque e a falsa austeridade dos gobernos municipais do PP.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
