Pechado o novo mapa político da Mariña lucense cómpre facer unha reflexión final sobre o máis que probable futuro dos pactos acadados entre PSOE e BNG, isto é, os que se sustentan na creación duns executivos municipais bipartitos, destinados a desvirtuar a vontade popular e a impedir que goberne a opción política máis votada polos veciños.
Como condicións previas e imprescindibles para que un bipartito poida funcionar e ter opcións de futuro deben darse dúas características: Que unha das partes sexa a opción política máis votada -contra o que non cabe nada que dicir- e que existan coincidencias programáticas. Pois ben, os actuais executivos municipais de Viveiro, Mondoñedo e Riotorto non nacen da coincidencia algunha dos partidos que os integran. Nacen da obsesión enfermiza de dúas forzas perdedoras por arrebatar ao Partido Popular a capacidade de xestión -cambio e futuro- desde as alcaldías. Unha estratexia en negativo, na que PSOE e BNG nunca están a pensar nos veciños e nos intereses xerais do concello, só neles mesmos.
Os bipartitos de PSOE e BNG son, todos puidemos comprobalo, unha fórmula caduca e viciada. Obsoleta aos ollos dunha cidadanía que rexeita o xeito de actuar de gobernos divididos, sen capacidade de entenderse, sen capacidade de xestionar, cheos de desconfianza mutua e non exentos de periódicas liortas. Unha fórmula caduca, porque alí onde uniron os seus votos perderon apoio electoral ou foron expulsados do goberno, como aconteceu coa Xunta bipartita ou co bigoberno de Burela.
Tal e como advertimos a estratexia do BNG aboca aos nacionalistas a ser arrastrados polo PSOE de Zapatero e Rubalcaba na súa incesante caída, mentres que aos socialistas obrígalles a estar sempre en mans dun partido que vai camiño de ser residual e que lonxe de mellorar cada día está máis radicalizado. Ao BNG ser socio do PSOE costoulle reducir pouco a pouco máis da metade o seu peso electoral en Galicia, antesala da desaparición.
Sen lugar a dúbidas enrocarse en pactos entre perdedores para manter gobernos municipais supón para os bipartitos un claro prognóstico de fracaso. Será, non cabe dúbida disto, o primeiro paso para que socialistas e nacionalistas perdan esas alcaldías en catro anos. Tan só cómpre laiarse porque nun contexto de crise, de dificultade crecente, os bipartitos de PSOE e BNG supoñan unha nova lexislatura perdida.
Con todo, temos que lamentar que non se escoite á opinión maioritaria do pobo, expresada no sustancial apoio a un partido, a un programa, á unha opción de goberno do PP. Foi o PPdeG quen gañou as eleccións municipais en 232 concellos galegos, case o 75% dos 315 de Galicia Foron os galegos os que decidiron democraticamente poñer en marcha, de novo tras as autonómicas, unha moción de censura virtual á totalidade dos bipartitos configurados en contra da lista máis votada, en contra de todos aqueles que votaron Partido Popular.
Jose Manuel Balseiro Orol
Secretario do Parlamento de Galicia
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
