Nota de prensa
Bota a andar a nova páxina web da Axencia Galega de Emerxencias-112
A AXEGA optou por un deseño integrador, moderno e actual con sistemas de navegación áxiles e intuitivos
A páxina web do CAE 112 Galicia contabilizou máis de 2.700.000 consultas durante o ano 2010
Santiago, 18 de xuño de 2011.- A Axencia Galega de Emerxencias (AXEGA) acaba de facer pública a nova páxina web do Centro de Atención ás Emerxencias 112 Galicia cun deseño integrador, moderno e actual; renovados contidos e sistemas de navegación áxiles e intuitivos. O novo sitio web está dispoñible enderezo electrónico: www.axega112.org
A AXEGA optou por un modelo bilingüe, galego-castelán, e información máis útil para o usuario, como son as alertas por meteoroloxía adversa, un completo e renovado directorio telefónico, un calendario de eventos, no que se dará conta da oferta formativa da Administración en materia de xestión de emerxencias e protección civil, e novas de interese. Ademais, neste intre, trabállase na actualización e modificación do mapa de xeadas e envaradas que estará operativo antes do inverno.
O deseño escollido supón unha aposta clara pola súa integración nos servizos web que ofrece a Xunta de Galicia, por canto asume a mesma estética, estilo e vocación de servizo público.
A nivel técnico, simplificouse a xestión e administración dos contidos, o que asegura unha actualización rápida e sinxela. Cómpre lembrar que a páxina web do CAE 112 Galicia recibiu máis de 2.700.000 consultas o ano pasado.
A sección máis visitada é o mapa de incidencias, que se mantén no novo deseño, seguida da información meteorolóxica e o informe diario de intervencións. Tamén destaca o número de entradas realizadas aos resumos de prensa e ao mapa de xeadas e nevaradas, loxicamente, durante o meses de inverno.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
