O PP de Ribadeo explica a súa posición no derradeiro pleno municipal

Nota de prensa

A debate… 1ª sesión Plenaria
O Grupo Municipal do Partido Popular constituido tras as recentes eleccións municipais comeza con estas notas o que será unha actividade constante ao longo desta Lexislatura respondendo ao noso desexo de achegarnos aos veciños e dar conta do noso traballo e de cada unha das decisións que imos adoptar.
Dito esto, e polo que respecta a esta Primeria Sesión de Pleno, celebrada o mércores 15, se ben os asuntos a tratar non deixaban de ser de mero trámite respondendo na súa meirande parte ao desenvolvemento da labor do equipo de Goberno, dos Grupos Municipais e mais dos Concelleiros nos vindeiros anos, sí queremos salientar algún dos puntos da orde do día por consideralos de interese para os veciños: por un lado está o relativo á composición da Comisión de Goberno (órgano de Goberno do Concello), por outro está o punto relativo ás retribucións económicas dos Grupos e dos Concelleiros, e, finalmente, o referente á adicación exclusiva do Alcalde e á contratación de persoal eventual
Polo que atinxe á Composición da Comisión de Goberno, compre decir que o rexeitamento do noso Grupo á oferta do Alcalde para formar parte deste órgano Municipal tén a súa xustificación nos propios resultados das últimas eleccións Municipais, nas que os veciños, maioritariamente, decidiron que a responsabilidade de Goberno recaerá no Bloque Nacionalista, en tanto que a responsabilidade de facer oposición déuselle aos outros Partidos Politicos que concorreron ás eleccións. Así pois, dando cumprimento a este mandato dos cidadáns, entendemos que o noso sitio no Concello non é gobernar senón que é facer oposición, unha oposición leal, vixiante e esixente do traballo do equipo de Goberno, ofrecendo alternativas, propoñendo ideas e tendo sempre presente o interese do noso Pobo.
No que se refire ao tema das indemnizacions e compensacions económicas aos Grupos Municipais e mais os Concelleiros é na que a proposta do Alcalde supón unha reducción do 20% respecto da anterior Lexislatura, o noso Grupo, alonxándose dos plantexamentos demagóxicos que amosaron os outros Gupos da oposición, apoiou a proposta da Alcaldía compartindo tanto a necesidade destas retribucións económicas para preservar a independencia económica dos Grupos Municipais e máis dos Concelleiros das influencias que poideran provir de grupos de presión alleos, coma a necesidade da reducción que se aplicaba respecto da anterior lexislatura motivada pola grave situación de crise económica que atravesa a Sociedade Española no seu conxunto e da que a Administración non pode quedar allea.
Na proposta da Alcaldía referente á adicación exclusiva do Alcalde e na da contratación de persoal eventual ó servicio da Alcaldía, o noso Grupo municipal, se ben se abstivo por entender que eran éstas unhas decisións que caían dentro do ámbito de decisión do Alcalde, debendo ser el e o seu equipo quen asumiran a responsabilidade destes custos, fixéronse as seguintes precisións:
• respecto da adicación exclusiva do Alcalde, compartimos que a súa necesidade ven esixida pola propia idiosincrasia do noso Concello, no que as demandas dos cidadáns son cada día maiores, e nas que as obrigas do Alcalde esixen da sua presencia constante nos distintos puntos do Concello, agora ben, tamén salientamos que, de igual xeito que as aportacións económicas aos Grupos e aos Concelleiros se vira reducida nun 20% respecto da anterior Lexislatura motivado pola crise economica, sería aconsellable que de igual xeito a retribución económica do Alcalde se vira reducida na mesma medida. Proposta que non foi tida en conta.
• Polo que atinxe á contratación de persoal eventual ao servicio da Alcaldía, o posicionamento do noso Grupo dende o inicio da campaña municipal foi claro, no senso de que se nos governaramos non habería estas contratacións, entendendo que os concelleiros son dabondo (máxime sendo sete as persoas que integran o equipo de goberno) para atender os asuntos municpais, dito o cal, e como xa dixemos é esta unha decisión de gasto extraordinario da que deben responder ante os veciños o Alcalde e o seu equipo.