Nota de prensa
A AULA CEMIT DO CONCELLO DE BURELA IMPARTE 7 CURSOS NESTE MES DE XUÑO
Burela, 20 de xuño de 2011. A Aula da Rede de Centros para a Modernización e Inclusión Tecnolóxica da Xunta de Galicia, Rede CeMIT, do Concello Burela está impartindo 4 cursos e levará a cabo 3 máis no que queda de mes.
A Aula CeMIT de Burela está impartindo 4 cursos de Alfabetización dixital dende comezo deste mes. Os cursos en cuestión son 3 de “Iniciación a Internet” e 1 de “Iniciación a Informática”.
Ademais, no que resta de mes, vanse a impartir 3 cursos máis.
Entre o 21 e o 24 impartirase o curso “Alfabetización dixital: Comunicación en tempo real a través da Internet”, co que se pretende dotar, aos participantes, das destrezas necesarias para manter conversas en tempo real con outras persoas empregando un programa libre de mensaxería instantánea. O horario será de 11 a 12:30 horas.
O 23 comezará o curso “Alfabetización dixital: Iniciación a Internet”, co que se amosará como navegar por Internet a través do programa libre “Mozilla Firefox”. O horario será de 16 a 17:30 horas.
O último curso que se impartirá neste mes será “Alfabetización dixital: Correo Electrónico: Webmail”. Con este curso se pretende dotar, aos asistentes, das destrezas necesarias para crear unha conta de correo electrónico e así poder enviar e recibir correos. O curso, que comezará o 27 de xuño e rematará o 5 de xullo, terá como horario de 11 a 12:30 horas.
As actividades da Aula CeMIT de Burela este mes complétanse con 2 charlas.
A primeira será a charla “DNI Electrónico”, que terá lugar o 21 de xuño ás 16 horas, e permitirá aos asistentes coñecer o novo DNI electrónico e todos os trámites que se pode facer con el a través de Internet.
A segunda charla leva como nome “Sinatura electrónica de documentos emisión e validación”, e con ela se amosará como firmar documentos coa sinatura electrónica. Esta charla celebrarase o 30 de xuño ás 11 horas.
A Rede CeMIT da Xunta de Galicia configúrase como o instrumento fundamental para promover a alfabetización dixital da sociedade galega. A Rede CeMIT ten como obxectivo potenciar actuacións relacionadas co desenvolvemento da actividade económica, empresarial e da implantación dos servizos electrónicos, titorizando a cidadanía con maiores dificultades e proporcionándolles os medios e ferramentas necesarios para poder formar parte activa da Sociedade da Información.
Para inscribirse ou para solicitar máis información sobre as citadas actividades poden dirixirse á Aula CeMIT de Burela sita na Casa da Xuventude – Rúa do Cancelo nº 1, a través da páxina web https://cemit.xunta.es/, ou enviar un correo electrónico ao enderezo:
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
