Nota de prensa
INICIA A SÚA ACTIVIDADE A UNIDADE FIXA DE EXPLORACIÓN DO CANCRO DE MAMA QUE O SERGAS IMPLANTOU NO HOSPITAL DA COSTA
Este novo servizo permitirá que 9.000 mulleres de toda a comarca da Mariña se beneficien da mellora da calidade asistencial deste moderno equipamento
As primeiras pacientes citadas para acudir a este novo servizo pertenecen ao municipio mariñano de Trabada, que disporán dun autobús gratuíto para acudir á consulta
Burela, 20 de xuño de 2011.- A Unidade Fixa de Exploración do Cancro de Mama que o Servizo Galego de Saúde vén de crear no Hospital da Costa comenzará a funcionar na xornada de mañá martes, día 21 de xuño. Na súa última visita ao hospital de Burela, con motivo da celebración dos actos de conmemoración do XXV aniversario do Hospital da Costa, a conselleira de Sanidade, Pilar Farjas Abadía, anunciara a intención do seu departamento de que neste mes de xuño se puxera en funcionamento unha unidade fixa de exploración do Programa de Detección Precoz do Cancro de Mama, feito que se fará realidade mañá mesmo.
A Unidade de Exploración Fixa do Cancro de Mama do Hospital da Costa permitirá atender nas súas dependencias a máis de 9.000 mulleres de A Mariña. Estas máis de 9.000 usuarias do programa que se beneficiarán desta mellora desglósanse, por concellos, do seguinte xeito: 450 de Barreiros, 1.313 de Foz, 377 de Xove, 728 de Cervo, 1.098 de Burela, 1.936 de Viveiro, 317 do Valadouro, 269 de Alfoz, 185 de Trabada, 575 de Mondoñedo, 358 de Lourenzá, 1.123 de Ribadeo, 164 de Ourol e 275 do Vicedo.
As primeiras mulleres citadas polo Programa de Detección Precoz de Cancro de Mama para acudir a esta nova unidade hospitalaria pertenecen ao concello de Trabada. Todas elas foron citadas en horario de tarde e poderán facer uso dun servizo de autobús gratuito para acudir á súa cita.
A posta en marcha desta nova unidade no Hospital da Costa permitirá ofrecer un servizo de maior calidade, e con maior confort e intimidade para as pacientes, fronte a atención que ata o de agora viñan recibindo a través das diferentes unidades móbiles.
Co entrada en funcionamento da Unidade Fixa de Prevención do Cancro de Mama, que se atopa emprazada nas dependencias do Servizo de Radiodiagnóstico do Hospital da Costa, a Consellería de Sanidade e o Servizo Galego de Saúde ratifican a súa aposta “para facer posible a ampliación da carteira de servizos e a potenciación deste centro hospitalario”. Unha liña de traballo que se manterá de cara ao futuro, para facer posible, tal e como dixo durante a súa última visita ao Hospital da Costa a responsable de Sanidade do goberno Galego “a ampliación da carteira de servizos e a potenciación do hospital”.
A conselleira de Sanidade afirmou entonces a importancia do traballo conxunto para atender aos mariñáns nos seus centros de saúde e no Hospital da Costa, “por iso potenciamos a capacidade de resolución dos profesionais de atención primaria, e o traballo conxunto cos do hospital”, manifestou.
Ampliación da carteira de servizos e mellora de infraestruturas
No ámbito da mellora asistencial que se seguirá a levar a cabo de cara ao futuro próximo, a Consellería de Sanidade tamén implantará ao longo deste ano vías rápidas de atención ao cancro de mama e de próstata, que se sumarán ás vías rápidas xa implantadas de cancro otorrinolaringolóxico e colo-rectal, e o proceso de insuficiencia cardíaca.
Para a Consellería de Sanidade tamén é fundamental para o Hospital da Costa a implantación e desenvolvemento das novas tecnoloxías, como a historia clínica e a receita electrónica, que se seguirán a potenciar pois supoñen un avance sen precedentes ao facer posible a implantación de melloras na imaxe médica, a telemedicina, ou o acceso a probas diagnósticas.
Ademais da creación da Unidade Fixa de Prevención do Cancro de Mama, a Consellería de Sanidade tamén levou ou está a levar a cabo outras iniciativas, como a total remodelación da planta de Xinecoloxía-Obstetricia, que comenzaba a funcionar hai uns días tras ser sometida a unha reforma integral, ou a renovación das cubertas e rampa de acceso ao Hospital da Costa, entre outras.
Todas estas iniciativas deixan patente o compromiso do goberno Galego de potenciar os hospitais comarcais e atender aos pacientes no lugar máis próximo, e no menor tempo posible.
Programa Galego de Detección Precoz do Cancro de Mama
O obxectivo do Programa Galego de Detección Precoz do Cancro de Mama, que desenvolve a Consellería de Sanidade, ten como obxectivo disminuir a taxa de mortalidade provocada por esta patoloxía entre as mulleres galegas incluidas no grupo de risco.
Grazas a este programa a maioría dos tumores diagnosticados en Galicia son detectados de forma precoz, o que significa que o programa está a cumplir os seus obxectivos e, sobre todo, que se mellora o pronóstico das mulleres afectadas.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
