Nota de prensa
Aberto o prazo para participar en Artesanfroilán
– Todos os artesáns interesados poden consultar as bases do concurso e descargar o formulario de inscrición dende hoxe na páxina web www.centrad.org
– Estes profesionais deberán entregar a documentación requirida antes do 21 de agosto para poder expor os seus produtos dende o 5 ó 12 de outubro, durante as patronais da capital lucense, na céntrica praza Anxo Fernández Gómez
– Ó volume de negocio, próximo ós 100.000 euros en 2010, fai que o número de solicitantes vaia en aumento. Na última convocatoria incrementouse nun 40%
O Centro de Artesanía e Deseño, dependente da Deputación, abriu este venres o prazo de presentación de solicitudes para participar na XIV edición de Artesanfroilán. Todos os artesáns interesados poden xa consultar as bases do concurso e descargar o formulario de inscrición na páxina web www.centrad.org. Estes profesionais deberán enviar a documentación requirida dende hoxe e ata o 21 de agosto como data límite á seguinte dirección: CENTRAD, Travesía Rúa Chantada s/n, CP-27004, Lugo.
Artesanfroilán, que terá lugar dende o 5 ata o 12 de outubro na praza Anxo Fernández Gómez, ofrece a posibilidade de que uns 25 artesáns expoñan os seus produtos. O volume de negocio acadado en edicións anteriores, próximo ós 100.000 en 2010, fai que todos os anos o número de solicitudes vai en aumento. Na última convocatoria houbo 110 peticións de profesionais de toda España e Portugal, representando un 40% máis que en 2009.
Deputación e Concello de Lugo suman esforzos e impulsan o sector ó facer coincidir a celebración desta feira coa das patronais da capital lucense garantindo, deste xeito, que miles de persoas sexan partícipes da riqueza artesanal. Coma todos os anos, a organización tamén premia con 1.000 euros ó mellor expositor. Para elo, tal e como recollen as bases do concurso feitas públicas, tense en conta o deseño do “stand”, a presentación do produto, a orixinalidade, e o esforzo por mellorar a imaxe da feira.
Os traballos, cun orzamento de case 190.000€, afectan aos catro primeiros quilómetros da vía. Habilitaranse desvíos alternativos, que estarán debidamente sinalizados.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
