NOTA DE PRENSA
O PP denuncia que os burelenses poden pagar máis de contribución este ano ca en 2008.
Afirman que o anuncio no boletín provincial non se publicou antes do un de Xaneiro.
Aseguran que esta situación demostra a falla de traballo e dedicación do alcalde.
O GMPP denunciou hoxe a través dunha nota de prensa que a baixada da contribución para este ano 2009, solicitada tres veces polo PP e ó fin aprobada polos tres grupos políticos, pode pasar a ser un aumento de alomenos un dez por cento, tendo en conta que o anuncio no Boletín Oficial da Provincia non se publicou antes do día un do presente mes, como marca a normativa vixente. Concretamente, a publicación fíxose o sete do presente mes de Xaneiro,
Os populares lembran que a normativa legal en materia de contribución urbana é mui clara, e esixe que os impostos que teñen efectos legais a partires do un de Xaneiro, e de pago único, como é este caso, deben ter publicada a súa normativa antes do primeiro de ano en algún boletín oficial.
Para os populares, este asunto é preocupante, porque non tén unha solución clara, e de non buscarse unha que sexa legal e rápida, pode ocurrir que un contribuinte que pagase 150€ de contribución pola súa vivenda en 2008 pase a pagar 165€ en 2009, cando teoricamente tiña que ter unha lixeira baixada. E esto debido a que o padrón da contribución tén que chegar ó concello no primeiro trimestre deste ano.
Segundo o GMPP, é incrible que, logo de terse levado este asunto ó pleno de finais de Outubro, a situación sexa que é. E para o PP hai dous responsables, unha a insultona e inefable concelleira Remedios López, que o era de Economía neses momentos, e que xa se vé como se “sacrifica” polos veciños e polo concello; e o outro, e sobre de todo, o alcalde, que se gavou de adoptar un acordo que beneficiaba ós cidadáns. Hai unha terceira culpable, Nieves Cando, a outra pata do bigoberno. Pois á vista dos feitos semella que se adoptou un acordo de farol, e que logo de aí o alcalde non moveu un dedo para que se aplicase, co que alguén pode levar a pensar que desde o bigoberno se tentaba enganar ós cidadáns.
Esto demostra que o alcalde, Nieves Cando como responsable dunha pata do bigoberno, e Remedios López, teñen escaso ou nulo interese en facer as cousas como hai que facelas e así demostran a súa desidia, pasotismo e a súa adicación exclusiva, que é cobrar a fin de mes dos cartos de todos, sen importarlles se se pagan moitos ou poucos impostos. O único interese que teñen é manter o “tenderete” que montaron e que nos tres casos xa se vé que o manteñen á costa dos veciños de Burela cobrando cáseque cincuenta mil euros ou axudando a crear emprego ó xeito do PSOE.
O PP esixe que antes de finais de mes se aporte algunha solución a este tema, porque a inquedanza dos cidadáns é evidente, e non sería responsable calar un feito que pode provocar un aumento mui importante dos impostos que todos os veciños e veciñas pagamos ó concello. De feito, o PP presentará un escrito no Concello solicitando que se adopten as medidas oportunas para que esta situación, insólita, non perxudique ós cidadáns.
Na presentación participaron o delegado territorial Javier Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
