Nota de prensa:
Besteiro presenta o organigrama de goberno no que a formación e os perfís dos Deputados definen a asignación das competencias
– Lara Méndez, Juan José Díaz Valiño, Pilar García Porto, Miguel Ángel Sotuela, Regina Polín e Manuel Martínez serán os Deputados Delegados das 6 áreas que xestionará o PSOE e Mario Outeiro e Antonio Veiga as do BNG
– O Presidente mantén o seu compromiso de reducir custes de asesores políticos, que se verá materializado no Pleno de organización da vindeira semana
– É a Corporación coa maior presenza feminina da historia da Deputación con 5 mulleres, das que 4 son do PSOE fronte a 1 do PP
– O equipo de goberno aposta por “unha persoa, un cargo”, polo que suma 10 Concelleiros e 3 Alcaldes, fronte ós 8 rexedores e 4 edís do grupo da oposición
O Presidente da Deputación, José Ramón Gómez Besteiro, presentou este xoves o novo organigrama de goberno e deu conta dos Deputados que xestionarán as diferentes áreas do organismo provincial durante os próximos catros anos. Gómez Besteiro subliñou que o perfil e a formación dos membros do equipo de goberno foron elementos clave na asignación das súas competencias. Tal e como explicou, cúmprense así os prazos fixados dende a celebración do Pleno de investidura da nova Corporación: “primeiro foi a toma de posesión e peche do pacto político; segundo, o deseño e presentación do programa de goberno para este mandato; terceiro, a configuración do organigrama e a celebración do Pleno de organización a vindeira semana”.
A renovación das áreas e do goberno é notable. É a Corporación con maior presenza feminina da historia da Deputación con 5 mulleres, das que 4 son do PSOE fronte a 1 do PP. Con respecto ó número de cargos suma 10 Concelleiros e 3 Alcaldes, fronte ós 8 rexedores e 4 edís da oposición. “Facemos un avance no senso de seguir coas liñas do Partido Socialista que é unha persoa, un cargo e na redución das persoas que son rexedores no senso da Deputación”. Asimesmo, Gómez Besteiro, quen tamén anunciou que onte mesmo asinou os decretos cos nomeamentos dos Vicepresidentes, confirmou o seu compromiso de reducir os custes de asesores políticos, que se verá materializado a vindeira semana cando se celebre o Pleno, e que se producirá 15 días antes que no anterior mandato.
Asignación de competencias
O novo goberno continuará desenvolvendo as políticas iniciadas no anterior mandato, pero dando resposta con novas áreas ós actuais retos que afronta a provincia. As áreas non aumentan con respecto a 2007, seguen sendo 8 -6 do PSOE e 2 do BNG-, pero inclúen destacadas innovacións. As competencias son as seguintes:
1.- Emprego, Economía Sostible e Demografía. A Deputada delegada desta “macro área” será Lara Méndez. Gómez Besteiro destacou que “valoro a súa experiencia e boa xestión como Vicepresidenta Segunda no anterior mandato, cunha brilante e excelente execución de programas europeos, e que estou seguro que repetirá nesta etapa, coa posta en marcha das primeiras subvencións na Deputación para financiar o gasto corrente dos autónomos, etc, e a súa formación como Enxeñeira Agrónoma son claves para coordinar esta área”, que se divide en:
a) Medio Ambiente e Enerxías renovables: Sonsoles Izquierdo será a Deputada responsable. Esta enxeñeira medioambiental de ampla formación xestionará un asunto tan importante para esta provincia como é o medio ambiente, xa que para Lugo representa unha oportunidade económica de primeira magnitude. Por exemplo, inclúense programas como a comercialización de productos autóctonos ou a Axencia Provincial da Enerxía, constituída ó final do anterior mandato.
b) Economía do coñecemento, emprendedores e innovación recaerá no Deputado José Ramón Val Alonso. A súa experiencia ocupando postos importantes como o de Delegado Territorial de Pesca da Xunta de Galicia ata 2009 e a súa especialización en I+D+I fan del unha persoa que saberá xestionar asuntos estratéxicos para a Deputación como seguir implantando a administración electrónica ou a dirección do centro de Innovación Social -situado na 2ª pranta da Escola de Imaxe e Son, que combina benestar e novas tecnoloxías-, e a Oficina de Asesoramento ós Emprendedores dentro do programa europeo Innova-TE, etc).
c) Economía Rural e do Mar, recae no Deputado José Fernández, quen xa desempeñou o cargo de Deputado de Medio Ambiente ata o de agora na Deputación e ten unha ampla experiencia como Alcalde de Navia de Suarna, acadando a maioría absoluta nas dúas últimas lexislaturas.
2ª.- Área de Cooperación e Asistencia ós Concellos. Columna vertebral do traballo da Deputación. O Deputado delegado será Juan José Díaz Valiño, “outro Alcalde e municipalista convencido, polo que serán un bo interlocutor no mundo da cooperación e rendirá moito nesta área”.
3ª.- Economía, Recadación e Facenda. A Deputada Delegada será Pilar García Porto, que tamén ocupará o posto de vicevoceira do Partido Socialista. A pesar da súa xuventude, Pilar é unha desas Deputadas cun currículum profesional e empresarial notable e ademais publicamente recoñecido. Por exemplo: as mulleres empresarias confiaron nela para ser a súa vicepresidenta a nivel provincial e tamén exerceu importantes cargos no ámbito galego.
4ª.- Goberno interior. Como experimentado sindicalista e ademais Alcalde de longa traxectoria, o Deputado que xestionará esta área, na que Formación tamén ocupará un capítulo importante, será Miguel Ángel Sotuela.
5ª.- Xestión Territorial. Tal e como sinalou o Presidente, esta área terá unha gran parte que será asumida tamén por Cooperación. O Deputado Delegado será Manuel Martínez, quen desempeñará tamén o cargo de voceiro do equipo de goberno. Martínez xa se ocupou desta área no anterior mandato, facendo un excelente traballo na xestión da mellora da rede viaria provincial e buscando fórmulas que aforraron contiosos custes ós Concellos.
6ª.- Deseño e Artesanía (CENTRAD). A Deputada Delegada será Regina Polín. “Queremos darlle un gran impulso a este sector e a mellor persoa é Regina, sobre todo pola habilidade especial que tem para implicar ós colectivos sociais. Coa súa capacidade de traballo vaille dar un novo aire ó Centro de Artesanía e Deseño”.
Áreas do BNG, tal e como o anunciou o Vicepresidente Primeiro, Antonio Veiga, o pasado sábado:
7ª.- Cultura, Turismo, Ensino, Normalización Lingüística e Patrimonio Histórico, será xestionada por Mario Outeiro.
8ª.- Benestar Social, Deporte, Igualdade e Mociedade. Será xestionada por Antonio Veiga.
Xunta de Goberno
Segundo esta distribución, Gómez Besteiro tamén anunciou que a Xunta de Goberno estará formada polo Presidente, os Vicepresidentes Primeiro, Antonio Veiga, e Segundo, Lara Méndez, e polos Delegados de cada área: Juan José Díaz Valiño, Pilar García Porto –estes dous estréanse nesta faceta-, Miguel Angel Sotuela, Manuel Martínez, Regina Polín e Mario Outeiro.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
