A MARIÑA .- A Consellería de Política Territorial, Obras Públicas e Transportes, ven de licitar por 49,7 millóns de euros o treito de estrada de Celeiro a O Castelo con un prazo de execución de tres anos. Esta obra, de oito quilómetros de lonxitude, pertence ao corredor da Costa Norte que unirá Ferrol con San Cibrao no ano 2011, según indicou fai unhas semanas o presidente da Xunta de Galicia e a conselleira Caride. A obra da vía de alta capacidade Costa Norte está sen comezar e so se adxudicou o tramo da variante de Ortigueira a Espasante, na provincia de A Coruña, de unns 10 quilómetros de lonxitude. Restan os tramos San Sadurniño Campo do Hospital de 19,1 quilómetros, Campo do Hospital enlace coa AC-101 de 8 quilómetros, Espasante O Barqueiro de 11 quilómetros, O Barqueiro Covas 10,1 quilómetros e a variante de Viveiro con 19,1 quilómetros.
FONTE
Política Territorial saca a concurso por 50 millóns de euros a construción do treito do corredor da Costa Norte entre Celeiro e San Cibrao
O prazo de execución será de 36 meses contados a partires do inicio das obras
A construción da Vía de Alta Capacidade da Costa Norte que unirá Ferrol con San Cibrao suporá un investimento de 276 millóns de euros
Santiago, 9 de xaneiro de 2009.- A Consellería de Política Territorial, Obras Públicas e Transportes, ven de licitar por 49.707.000 euros e un prazo de execución de 36 meses as obras de construción do treito Celeiro-San Cibrao, pertencente ao do corredor da Costa Norte que unirá Ferrol con San Cibrao (no termo municipal de Xove), tal como publica hoxe o Diario Oficial de Galicia.
O treito Celeiro-San Cibrao ten unha lonxitude de oito quilómetros que discorren polos termos municipais de Viveiro e Xove e contará con catro enlaces (Celeiro, Xove Oeste, Xove Este e San Cibrao). Ademais, xa foron adxudicadas as obras do tramo da variante de Ortigueira, que comezará a executarse en breve.
A Consellería de Política Territorial investirá un total estimado de 276 millóns de euros na execución de toda a vía de altas prestacións da Costa Norte, que discorrerá ao longo de 90 quilómetros e será prolongada tamén con características de corredor polo Ministerio de Fomento dende San Cibrao ata Barreiros, punto no que enlazará coa Autovía do Cantábrico (A-8).
Cómpre lembrar que a Consellería de Política Territorial reformulou o proxecto inicial para garantir que sexa unha vía deseñada cos mellores parámetros de calidade e seguridade viaria e coa capacidade suficiente para atender a demanda de vehículos prevista. Neste senso, a CPTOPT introduciu unha serie de melloras de xeito que a infraestrutura terá características de corredor, é dicir, que dende o punto de vista técnico estará deseñada para o seu desdobramento en autovía cando a intensidade do tráfico o requira.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
