Nota de prensa:
90 desempregados lucenses volven en xullo ao mercado laboral co Pacto Provincial polo Emprego
– 53 participantes no curso “Monitores Socioculturais” traballan xa en empresas de Sarria, Lourenzá, Bóveda, Carballedo, A Pontenova, Vilalba, Castro de Rei e Monforte de Lemos
– Nas vindeiras semanas comezarán as súas prácticas en 8 centros para maiores da provincia os beneficiados da acción formativa “Atención sociosanitaria en institucións”
– A Deputación ampliará a formación a 1.200 persoas máis logo de acadar 3,5 millóns de euros do Fondo Social Europeo para desenvolver o Pacto polo Emprego 2
Un total de 90 participantes do Pacto Provincial polo Emprego inician en xullo as súas prácticas en distintas empresas da provincia dentro deste programa, co-financiado nun 80% polo Fondo Social Europeo, co que o organismo provincial está a formar dende o pasado mes de marzo a 576 desempregados da provincia nas profesións diagnosticadas, previamente, como as de maior futuro en Lugo.
Deste xeito, logo de concluír o proceso teórico, 53 persoas traballan dende o pasado venres como monitores socioculturais en empresas dos Concellos de Sarria, Lourenzá, Bóveda, Carballedo, A Pontenova, Vilalba, Castro de Rei e Monforte de Lemos. Asimesmo, nas vindeiras semanas, comezarán as súas prácticas en “Fundación Mensajeros de la Paz”, “Fundación Eu Son”, residencias “Betania”, “Bartolomeu”, “Nuestra Señora del Carmen” e “Carlos IV”, así como en “ALALÁS” e “Centro de Atención a persoas con discapacidade de Sarria”, os beneficiados da accións formativa “Atención sociosanitaria en institucións”, desenvolta en distintas edicións nos municipios de Burela, Palas de Rei, Sarria, Vilalba e Monforte de Lemos.
En agosto, a organización do proxecto continuará co programa de prácticas, co que os asistentes teñen a oportunidade de aplicar os coñecementos adquiridos durante a formación teórica, aumentando as súas posibilidades de inserción nos nichos de emprego máis demandados. Neste senso, ó longo dese mes, comezarán a parte práctica os asistentes das seguintes accións formativas: “Atención sociosanitaria a domicilio” de Foz, Ribadeo, Viveiro, A Fonsagrada, Becerreá, Monterroso e Chantada; “Servizos de Restaurante” de Foz, Vilalba e Monforte de Lemos; “Promoción turística” de Sarria; e “Aproveitamentos forestais” do Valadouro e Meira. O inicio da parte práctica concluirá o 1 de setembro con esta última acción formativa que se imparte no Concello de Guitiriz.
A formación está destinada a todos os desempregados da provincia, agás o do Concello de Lugo que ten máis de 5.000 habitantes e o seu propio Pacto. O Programa inclúe 45 accións formativas relacionadas coas áreas sociosanitaria, hostalería, turismo e forestal. Suman máis de 15.000 horas de formación e 60.000 de prácticas en empresas. A formación ten un custe 0 para os participantes, quenes reciben unha axuda económica equivalente ó 75% do IPREM, é dicir, uns 400 euros mensuais. En canto a distribución dos participantes, 246 pertencen ós Concellos da zona centro; 192 á Mariña e 138 á zona sur.
Pacto polo Emprego II
Un total de 1.600 persoas formalizaron a solicitude no INLUDES para participar na 1º convocatoria deste programa, case o triple das prazas ofertadas. Tendo e conta o seu éxito, a Deputación formalizou en marzo a solicitude ante o Ministerio de Política Territorial para acadar novos fondos europeos que permitan dar continuidade a este programa, a través dun novo proxecto: Pacto polo Emprego 2. Logo da resolución das axudas comunitarias este pasado venres, a institución recibiu un total de 3.571.526 euros, sendo o proxecto que conseguiu máis fondos en Galicia dos subvencionados polo Fondo Social Europeo. Ante os bos resultados, a institución provincial creará máis traballo nos novos nichos de emprego; duplicará a formación remunerada que a Deputación presta na actualidade, ampliando as prazas de 576 participantes actuais a 1.200; e facilitará que os beneficiarios poidan obter o Certificado de Profesionalidade, que é imprescindible para moitas profesións.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
