A Xunta recoñece e xustifica as ilegalidades de Barreiros na memoria ambiental do plan sectorial PDF
4 de xullo de 2011. Por se o Decreto 15/2007 que suspendeu o urbanismo de Barreiros non fora suficiente; por se as sentenzas do Contencioso-Administrativo de Lugo non foran dabondo para demostrar a ilegalidade das licenzas outorgadas en Barreiros en 2006, no DOG deste 28 de xuño aparece publicada a Memoria Ambiental do Plan Sectorial polo que a Xunta pretende “regularizar” a situación das promocións ilegais. Esta memoria constitúe unha proba non só de tais ilegalidades, senón das intencións da Xunta de lavar os chanchullos e infraccións urbanísticas de Barreiros con diñeiro público. ADEGA dará traslado á Fiscalía de dito documento para que serva como proba na denuncia contra Hernández por prevaricación e delictos contra a facenda pública.
Nesta Memoria Ambiental maniféstase literalmente:
“No Concello de Barreiros foron suspendidas as Normas Subsidiarias de Planeamento, vixentes dende o 28 de outubro de 1994, polo Decreto 15/2007, do 1 de febreiro, polo que se suspenden a vixencia das normas subsidiarias de planeamento municipal de Barreiros e se aproba a ordenación urbanística provisional ata a entrada en vigor do novo planeamento.
“Ao amparo desas Normas subsidiarias e nun interese por impulsar o turismo estival desta zona costeira, concedeuse un importante número de licenzas urbanísticas en terreos que, a pesares de estar clasificados como solo urbano, non contaba coas infraestruturas básicas de abastecemento, saneamento e acceso por vía pública, necesarios para dar servizo aos desenvolvementos que se estaban a levar a cabo.
Estase afirmando, efectivamente, nesta Memoria Ambiental que as parcelas afectadas por todas estas licenzas non contaban nen contan “con acceso por vía pública pavimentada e servizos urbanos de abastecemento de auga potable, evacuación de augas residuais á rede de saneamento, subministración de enerxía eléctrica, iluminación pública, en condicións de caudal e potencia adecuadas para os usos permitidos.” É dicir, tais parcelas, de ningunha forma poden ser calificadas como solo urbano consolidado ao non estar dotadas dos servizos urbanísticos esixidos no artigo 16 da Lei 9/2002, de ordenación urbanística e de protección do medio rural de Galicia (LOUGA).
En consecuencia, non podía o Concello de Barreiros ter outorgado licenza algunha sen antes terse executado un proceso urbanizador que, con equidistribución de cargas entre as parcelas beneficiadas, a cargo dos promotores e cedendo ao concello o 10% do solo, empezase dotando ás parcelas todas dos servizos de abastecemento de auga e luz, das redes de saneamento e de comunicación, dos viais, etc, nas condicións adecuadas de capacidade, caudal e potencia para os usos permitido e cedendo, finalmente, o solo imprescendible para zonas verdes, dotacións públicas ou para vivendas de promoción social tal como se esixe na LOUGA.
E sigue dicindo esta Memoria Ambiental:
“Así, coa intención de dar resposta ás necesidades das promocións que se desenvolveron e resolver o déficit de infraestruturas, con data do 20 abril de 2010 asinouse un Convenio de colaboración entre a Consellería de Medio Ambiente, Territorio e Infraestruturas, o Organismo Autónomo de Augas de Galicia, a Empresa Pública de Obras e Servizos Hidráulicos, a Deputación de Lugo e o Concello de Barreiros para o financiamento e execución dos proxectos de urbanización, abastecemento e saneamento nos núcleos de San Cosme, San Pedro, San Miguel de Reinante e Reinante”
Non se pode dicir máis claro: trátase de executar e financiar os proxectos de urbanización, abastecemento e saneamento nos núcleos de ……”, de executar con cartos públicos unhas obras de urbanización que tiñan que estar completadas antes de ter outorgadas as respectivas licenzas, e todo en beneficio exclusivo duns promotores que ademáis de terse beneficiado dunha maior edificabilidade (1,5 m2/m2 en solo urbano consolidado fronte a 0,5 m2/m2 en solo non consolidado) non tiveron que ceder solo algún ao patrimonio municipal, nin para dotacións públicas e viais, nin tampouco o 10% do aproveitamento urbanístico.
Para ADEGA estamos ante un evidente caso de prevaricación urbanística que a Xustiza de ningunha maneira pode deixar impune: nin na vía contenciosa nin na vía penal. Se tal arbitrariedade puidera consolidarse, a Xunta de Galicia carecería de toda autoridade para, en diante, perseguir calquera outra infracción urbanística. Simplemente a lexislación quedaría suplantada pola vontade e arbitrariedade do Conselleiro.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
