Cinco concelleiros de Cervo reuníronse para recibir a un neno saharauí e a familia de acollida
Nota de prensa
O CONCELLO COLABORA UN ANO MÁIS CO PROGRAMA DE ACOLLIDA “VACACIÓNS EN PAZ” PARA NENOS SAHARAUÍS
Cervo, 5 de xullo de 2011.- Este mediodía foi recibido nas dependencias municipais polos concelleiros Tania González (Asuntos Sociais), Yolanda Pedreira (Educación), Begoña Alonso (Medio Ambiente), Pilar Álvarez (Xuventude), e José Ramón Soto (Deportes) o único neno que pasará este ano o verán en Cervo acollido por unha familia do municipio ao abeiro do programa “Vacacións en Paz” organizado pola asociación Solidaridade Galega co Pobo Saharauí.
Durante a xuntanza, Tania González indicou que este ano o Concello subvencionou con 1.780 euros a viaxe de dous nenos (890 por neno), pero problemas burocráticos de última hora impediron que o segundo neno puidera vir. Neste senso a responsable de Asuntos Sociais indicou que dende o Concello están a manter contactos coa asociación organizadora deste programa de acollida “para que nos dean as aclaracións e xustificacións oportunas do que aconteceu” dixo. A cantidade económica aportada polo Concello ten por obxecto sufragar os custes dos billetes de avión (ida e volta), póliza de seguro para cada un dos nenos acollidos; e os gastos dos acompañantes e de xestión.
Os representantes do equipo de Goberno municipal agradeceron á familia de acollida a posibilidade que lle brindan a este rapaz “para facer posible que veña a Cervo e que poida integrarse durante uns meses coma uns veciños máis”. Este neno, de nome Jassir e seis anos de idade, é a segunda vez que pasa as súas vacacións en Cervo, polo que xa non se sorprende tanto das diferenzas existentes entre o seu país de orixe e Galicia, pero aínda así sempre ten a oportunidade de descubrir algo novo.
Pola súa banda, a familia de acollida di sentirse satisfeita coa experiencia, e asegura que a seguirán repetindo.
O Concello de Cervo leva participando desde fai anos no programa de acollida “Vacacións en Paz”, organizado pola asociación Solidaridade Galega co Pobo Saharauí coa colaboración de diversos concellos de Galicia. Esta iniciativa solidaria busca que os pequenos coñezan outra cultura e outro clima, gozando dunhas comodidades que non teñen onde viven. Neste senso Tania González lembrou que as altas temperaturas que se rexistran durante os meses de verán nos campamentos saharauís fai que a estadía destes pícaros en climas máis fríos sexa “case imprescindible” para o seu correcto desenvolvemento “xunto cós controis médicos que as familias de acollida lles fan”, sinalou.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
