Nota de prensa
Os populares mindonienses agradecen o apoio da Xunta ao evento organizado por AIMPNE e sinalan que supón a materialización do mandato parlamentario promovido polo deputado Jose Manuel Balseiro en apoio deste gran evento
A AXENCIA GALEGA DAS INDUSTRIAS CULTURAIS ACHEGARÁ 20.000 EUROS PARA COLABORAR CO CURSO INTERNACIONAL DE MUSICOTERAPIA
•? O organismo autonómico adscrito á Consellería de Cultura compromete esta axuda salientando que se trata de impulsar unha actividade cultural de gran compoñente social.
Mondoñedo, 06 de xullo de 2011.- A portavoz do Partido Popular, Elena Candia, quixo amosar o seu agradecemento á Axencia Galega de Industrias Culturais (AGADIC) polo apoio e colaboración que este organismo autonómico vén de prestar ao Curso Internacional de Musicoterapia. Esta axencia autonómica, dependente da Consellería de Cultura, comprometeu unha axuda de 20.000 euros en favor da asociación AIMPNE, organizadora do evento, salientando ademais que a través da mesma pretende impulsar unha actividade cultural de gran compoñente social.
Elena Candia explicou que esta colaboración económica debe entenderse como a materialización do mandato parlamentario promovido no seu día polo deputado popular Jose Manuel Balseiro e polo PP local. Daquela a Cámara autonómica instáballe á Xunta a colaborar no financiamento deste curso internacional e a posibilitar que os nenos con necesidades especiais puideran participar neste curso que incluso acadou a consideración de interese sanitario.
O Curso Internacional de Musicoterapia combina obradoiros nos que se aplican os efectos beneficiosos e estimulantes da música aos tratamentos de rapaces con necesidades especiais (tales como síndrome Down, síndrome de Williams, etc). Este ano, como vén sendo habitual, Mondoñedo volverá a acoller este evento internacional entre os días 19 e 24 de xullo.
Elena Candia desexa que ao igual que o está a facer a Xunta, a través de AGADIC outras administracións tamén colaboren con este curso pois a través del non só se estará incentivando a participación das persoas con discapacidade en igualdade de oportunidades neste tipo de eventos culturais senón tamén facilitando o financiamento preciso para que todos os alumnos inscritos poidan acceder aos servizos de apoio e estímulo en función das necesidades que presenten.
A AGADIC que desde 2008 substitúe ao Instituto Galego das Artes Escénicas (IGAEM) non restrinxe a súa actuación a un sector específico, como acontecía antes, senón que engloba a totalidade das actividades culturais e artísticas desenvolvidas por creadores individuais, empresas e industrias culturais, entre elas, os obxectivos propios do Curso Internacional de Musicoterapia.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
