Nota de prensa
O PP PON EXCUSAS PARA A SÚA FALTA DE TRABALLO E XESTIÓN: AS CONTAS MUNICIPAIS ESTÁN SANEADAS. A OBRIGA DO NOVO EQUIPO DE GOBERNO É TRABALLAR PARA CONSEGUIR MÁIS INGRESOS
Con respecto aos datos que sobre a situación económica do Concello deu estes días o grupo de goberno de Burela, dende o grupo municipal do BNG quixeramos facer as seguintes precisións para que todos os veciños de Burela saiban a verdade sobre as contas municipais.
En primeiro lugar, a situación a nivel de gastos que se atopa o novo grupo de goberno é, canto menos, envexable se a comparamos coa que nós, no anterior goberno municipal, nos atopamos no mes de xullo de 2007. Por aquel entón estaban case todas as partidas das distintas delegacións esgotadas e incluso en cantidades negativas (por exemplo, a área de Turismo atopábase con 17.000 € en negativo e xa se tiñan gastados nos 6 meses anteriores dese ano outros 50.000 € máis). Agora, todas as partidas para o normal funcionamento das distintas áreas están en positivo e quédanlle ao novo equipo de goberno máis de 5 millóns de euros para funcionar ata final de ano (máis do 67% do orzamento total do Concello).
En segundo lugar, a falta de liquidez á que alude o novo grupo de goberno débese ao grande retraso da Xunta de Galiza en aboar todas as subvencións pendentes para persoal e servizos. E estes cartos “adiántaos” o Concello dos seus fondos propios para pagar as nóminas do persoal subvencionado e despois tarda moito en cobralos por parte da Xunta.
En terceiro lugar, a obriga no novo equipo de goberno é traballar e xestionar para incrementar os ingresos do Concello para servizos e actividades e non queixarse coma os nenos pequenos e agocharse na suposta falta de cartos para recortar servizos e non facer nada. Durante estes últimos catro anos, no anterior goberno municipal, traballamos para conseguir cada ano ao redor de 800.000 € das distintas Administracións para dotarnos de servizos, actividades e obras (como o millón de euros da Deputación para obras que se van executar este ano).
Agora, o novo equipo de goberno ten que facer o mesmo: poñerse a traballar, porque levan xa case un mes gobernando e aínda non fixeron nada, só poñer excusas de que non hai cartos. Pois, traballen para conseguilos que para iso lle pagamos ao Alcalde case 50.000 € ao ano.
E aforren, claro que si, como a aposta que fixemos nós polas novas tecnoloxías de aforro enerxético en canto a alumeado e placas térmicas. Agora ben, se anuncian que van reducir o alumeado da Avenida Arcadio Pardiñas, non é de recibo que onte mércores estivera toda a mañá grande parte desta avenida coas farolas acesas.
En resumo, póñanse a traballar, que xa é hora, e deixen de poñer excusas. Cartos consignados para as distintas delegacións teñen e se precisan máis a súa obriga é xestionar novos ingresos coas distintas Administracións, que para iso lles pagamos.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
