Nota de prensa
O CONCELLO TEN ESGOTADO O ORZAMENTO DE TURISMO PARA ESTE 2011, SEGUNDO AFIRMOU A CONCELLEIRA MÓNICA PEDRE. A EDIL POPULAR MANIFESTOU QUE NON HAI CAPACIDADE ECONÓMICA PARA FACER NINGUNHA ACTIVIDADE CULTURAL MÁIS DAS PREVISTAS.
Burela, 7 de xullo de 2011. O Concello de Burela ten esgotado o orzamento de Turismo para este 2011, segundo afirmaba este mediodía a concelleira de Turismo, Educación e Cultura, Mónica Pedre. A edil popular manifestou que non hai capacidade económica para facer ningunha actividade cultural máis das previstas, pero que o equipo de goberno procurará facer máis con menos.
Mónica Pedre, a concelleira burelesa de Cultura, Educación e Turismo, foi categórica hoxe ao asegurar que “o orzamento de Turismo para o presente ano está absolutamente esgotado, e é moi probable que quede en números vermellos”. Pedre explicou que “había dúas partidas iniciais por importe de 23.000 euros, dos que xa se gastaron 13.860’94, co que queda un saldo de 9.139’06 euros. Ata aquí pode parecer correcto, pero é que están comprometidos un total de dezaoito mil euros para a celebración da Feira do Bonito e de Produart. Entón en realidade temos un desfase de nove mil euros en contra do Concello”.
A concelleira popular amosou a súa preocupación polo pago das actividades de turismo para o que queda de ano, “temos previsto ir a Ferrol a presentar a Feira do Bonito xunto con Ledicia, manteremos o apoio á Romaría do Monte Castelo e mesmo imos reeditar de novo un rueiro de Burela, xa que non había ningún exemplar para entregarlle aos visitantes, estáse a traballar con fotocopias do último rueiro editado no ano 2006. Pero creo que nada máis poderemos facer”.
Polo que se refire a Cultura, Mónica Pedre indicou que “a programación cultural do outono está feita e só hai cartos para pagar dita programación, dez mil setecentos euros”. Con todo, Pedre indicou que “tirando de imaxinación, seguro que poderemos organizar algunha cousa máis cun custo moi limitado”.
A concelleira de Educación do equipo de José Mª González Barcia dixo que “no tocante a Educación temos 6.200 euros para pagar dous meses de piscina dos escolares dos Ceips de Burela, e 4.800 euros para outras actividades. Estes catro mil oitocentos euros vamos aproveitalos ao máximo para comezar a cumprir cos nosos compromisos en materia de actividades escolares”.
Mónica Pedre indicou que “as actividades que estamos programando e que se irán dando a coñecer vamos procurar que teñan un custo reducido ou mesmo cero para o Concello. Procuraremos facer máis con menos”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
