Nota de prensa:
O Centro Comarcal de A Mariña Central (Mondoñedo) acollerá durante o mes de xullo a obra do artista de alemán afincado en San Román (O Vicedo), Axel R. Okelman.
Okelman é un recoñecido artista de “ocogravados”, técnica que comezou en 1982 unha vez finalizados os seus estudos de Enxeñería Mecánica.
Durante 20 anos traballou como examinador na Oficina de Patentes e Marcas de Munich, ó tempo que estudaba técnicas artísticas. Foi alumno de gravado de Lieselotte Schober en Göttingen e completou estudos en Hannover, Giessen e Munich.
Unha vez establecido en Galicia dedícase plenamente ó ocogravado, unha técnica moi laboriosa na que as imaxes son transferidas ó papel a partir dunha superficie con depresións que conteñen tinta (a diferenza do gravado tipográfico, no que a impresión se realiza a partir dunha superficie plana con liñas en relevo que son entintadas).
A exposición comprende obras de gran beleza, fundamentalmente paisaxes e lugares de aquí e acolá, ós que o artista consigue transmitir sensacións e sentimentos..
Esta exposición poderá visitarse no Centro Comarcal da Mariña Central durante todo o mes de xullo en horario de 10:00 a 17:00 de luns a venres , e os sábados de 10:00 a 14:00. O artista recibirá ós visitantes da exposición todos os venres do mes.
Para acadar máis información acerca desta exposición poden poñerse en contacto co persoal do Centro no 982 889 301 ou a través do correo electrónico; ccmarinacentral@comarcasdegalicia.com
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
