Nota de prensa:
O BNG ADVIRTE QUE O CONCELLO DE BARREIROS SEGUE SUMIDO NO CAOS ECONÓMICO E CONTABLE DEBIDO Á DESASTROSA XESTIÓN E Á PRESENTACIÓN DUNHAS CONTAS IRREAIS. OS NACIONALISTAS ASEGURAN QUE A LIQUIDACIÓN DE 2010 OFRECE UN RESULTADO NEGATIVO DE MÁIS DE 700.000 EUROS.
Barreiros, 8 de xullo de 2011. O BNG advirte que o Concello de Barreiros segue sumido no caos económico e contable debido á desastrosa xestión e á presentación dunhas contas irreais. Os nacionalistas aseguran que a liquidación de 2010 ofrece un resultado negativo de máis de 700.000 euros ao igual que o remanente de tesourería para gastos xerais e lembran que desde o ano 2006 as contas veñen contemplando uns ingresos de 1.200.000 euros correspondentes ao convenio para o abastecemento da auga asinado ese ano e que non foi executado. Nos últimos catro anos os exercicios económicos en Barreiros viñeron ofrecendo uns saldos negativos de arredor de 700.000 euros.
No día de onte celebrouse un pleno municipal extraordinario e urxente en Barreiros no que se deu conta da liquidación correspondente ao ano 2010 aprobada por resolución da Alcaldía. Segundo explica a portavoz do BNG, Ana Ermida, “esta liquidación ofrece un resultado presupostario negativo de -732.659,41 euros e un remanente de tesourería para gastos xerais, tamén negativo, de -745.037,71 euros”.
Ermida subliña que “por esta razón, o Concello ten que proceder á redución de gastos nos orzamentos do 2012 por contía igual ao déficit producido, xa que esta redución xa non é posible no exercicio 2011 (aínda cos orzamentos deste ano sen elaborar). Tampouco é posible acudir a unha operación de crédito por dito importe debido á elevada contía da débeda ou remanente de tesourería negativo (-745.037,71 euros). O crédito máximo que podería obter en función do orzamento do que dispón o concello é de 135.174,75 euros (o 5% dos dereitos recoñecidos netos para operacións correntes). Como esta medida non sería suficiente para compensar o remanente negativo de tesourería, o orzamento do exercicio seguinte terá que aprobarse cun superávit inicial mínimo igual ao déficit producido no ano 2010; tal e como se desprende do informe presentado pola actual secretaria-interventora que desempeña o cargo en acumulación”.
Desde o BNG sinalan que “o caos chega a tal punto que no primeiro trimestre deste ano, e sen ter os orzamentos do 2011 aprobados, xa se procedeu por parte da Alcaldía a realizar dous recoñecementos extraxudiciais de crédito por un importe de case 700.000 euros. Estes 700.000 euros haberá que restarllos ao próximo orzamento que se elabore, xa que non existe remanente de tesourería ao que se poida acudir”.
Os nacionalistas consideran que “este caos vén orixinado, entre outras cousas, por un sobredimensionamento en número da plantilla de persoal, por unha deficitaria xestión orzamentaria (sobre todo no capítulo de gasto corrente) e por unha total falta de planificación no capítulo de inversións reais (onde o executado supera altamente o orzamentado)”. Para o BNG “esta situación é inadmisible tendo en conta que o Concello de Barreiros conta cun concelleiro de Economía e Facenda que, no seu día, foi presentado como a fichaxe galáctica que ía salvar as contas municipais.”
A Ana Ermida e a Antonio Veiga parécelles “inadmisible que o Alcalde non permitira no pleno de onte o debate sobre a situación económica do Concello, no punto referido á liquidación do orzamento, nin quixera dar explicacións ao respecto”. “Unha vez máis demóstrase que o Partido Popular segue levando ao Concello de Barreiros cara ao abismo”, sentencian desde o BNG.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
O músico ofrecerá un repaso polos clásicos de Dire Straits, Eric Clapton, Pink Floyd, Lou Reed, Bruce Springsteen, Bob Dylan, Joaquín Sabina e moitos máis, nunha xornada dedicada á música e á historia do local. Esta será a primeira das actividades que se irán anunciando con motivo do 25 aniversario, cunha cita marcada para o 12 de xullo, no propio Rincón de Mondoñedo.
Con ela pechouse a celebración das festas de Santa Isabel que, un ano máis, foi todo un éxito.
As persoas interesadas poderán presentar a súa solicitude ao longo desta semana nas oficinas municipais do Concello de Trabada. O alcalde de Trabada, Rubén García, explica que “desde o Concello queremos dar a máxima difusión a esta convocatoria para que todas as persoas interesadas poidan presentar a súa solicitude e formar parte desta bolsa de emprego”. Desde o Concello animan a todas as persoas interesadas a presentar a súa solicitude dentro do prazo establecido, co obxectivo de garantir a correcta cobertura deste servizo municipal durante o período vacacional.
Inclúe as Noites Alternativas e Enredando no Verán. Este martes arrincaron as Noites de Futbol na Praia do Torno.
Puxo en valor a importancia deste tipo de eventos para contribuír á preservación dos traballos gandeiros tradicionais. Cómpre salientar que esta festividade está recoñecida como Festa de Interese Turístico de Galicia. Ademais, nesta ocasión, a conselleira foi nomeada Monteira Maior, unha distinción honorífica outorgada pola Comunidade de Montes de Buio e Lerín, organizadora do evento, ás persoas que colaboraron con eles ou os apoiaron. Gómez trasladou o seu agradecemento por esta mención e reafirmou o seu compromiso co sector agrogandeiro, un piar fundamental para o desenvolvemento do noso rural.
Ao acto acudiron, entre outros, o patrón maior da Confraría de Pescadores de Ribadeo, Javier Martínez, a concelleira de Turismo, Marta Saiz, a deputada autonómica Cristina Sanz, a presidenta e o xerente de Acisa, Carmen Cruzado e Jesús Pérez, así como directivos do RCNR. Ademais a bandeira oficial de Ribadeo xa loce no peirao.
