Nota de prensa
A CONCELLEIRA DE CULTURA E TURISMO DEMOSTRA A SÚA INCAPACIDADE DE XESTIÓN E O SEU DESCOÑECEMENTO DAS CONTAS MUNICIPAIS
Dicía onte a Concelleira de Cultura e Turismo que non tiña capacidade económica para facer máis actividades das previstas nas súas áreas e isto só ten dúas lecturas posibles: ou non ten a Concelleira a capacidade necesaria para xestionar as súas áreas ou, como non ten experiencia nestas cuestións políticas e de xestión municipal, non entende moi ben os números do orzamento municipal.
Se é a primeira razón terá, o sr. Alcalde, que tomar nota e actuar en consecuencia. E se é a segunda razón podemos darlle algúns datos máis para “tranquilizala” e dicirlle que pode facer máis cousas se quere.
Porque, nas dúas áreas de Cultura e Turismo, non son certos os datos que dá ou son medias verdades. Porque nestas dúas áreas ten á súa disposición case 40.000 € en cada unha delas para atender a todos os compromisos e actividades que queira facer. Polo tanto, as partidas de Cultura e Turismo nin están esgotadas nin mermadas como ela dicía.
E se isto non lle parece suficiente (ao redor de 40.000 € en cada unha destas áreas para o que queda de ano), ten que cumprir coas súas obrigas e traballar e buscar recursos para facer máis cousas. Porque non lles pagamos para queixarse e dicir que non poden facer nada, senón que lles pagamos para que fagan iso e moito máis buscando recursos e xestionando axudas.
Como fixemos nós, que deixamos asinados coa Deputación dous convenios que aportarán neste ano 12.000 € para a Feira do Bonito e 6.000 € para Produart. Ou conseguir, como nós o fixemos, aportación económica da Dirección Xeral de Turismo para dotarnos de material promocional como o stand que agora nos representa nas citas turísticas (e non ter, como facían eles, que descolgar catro cadros da Casa do Concello para levalos polas feiras adiante). Ou asinar, como nós asinamos, un convenio coa Deputación para actividades culturais de máis de 35.000 € para poder realizar actividades ante o recorte de subvencións da Xunta de Galiza. Ou conseguir que Mercedes Peón actúe este sábado en Burela de forma gratuíta.
E isto é o que ten que facer a Concelleira de Cultura e Turismo: demostrar a súa capacidade de xestión e buscar recursos económicos novos se considera que non lle chegan as cantidades que antes mencionei.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
