Nota de prensa
O APOIO DA XUNTA AO PROXECTO GASISTA DE ALCOA LOGRA DESBLOQUEAR A CONSTRUCIÓN DO GASODUTO DA MARIÑA
-O conselleiro de Economía e Industria lembra que ?a Xunta considera a construción de gasodutos primarios unha cuestión prioritaria para Galicia?
-Javier Guerra apunta que, ?se a tramitación administrativa non sofre máis atrasos, por parte do Goberno central, a construción do Gasoduto da Mariña podería comezar en aproximadamente nun ano?
-O gasoduto da Mariña podería permitir atender á demanda potencial de máis de 18.000 persoas
-Guerra salienta que o proxecto financiado polo Goberno galego permitirá substituír o fuel-oil por gas natural en Alcoa, cunha redución de 20.000 toneladas anuais de emisións de CO2
-Segundo Guerra, ?apoiando a Alcoa apoiamos a unha compañía que emprega directamente a máis de 1.300 traballadores?
Lugo, 12 de xullo de 2011.- O conselleiro de Economía e Industria, Javier Guerra, inaugurou hoxe a nova planta de almacenamento de gas natural instalada no complexo industrial de Alcoa en San Cibrao, un proxecto que, co apoio do Goberno galego, supuxo a mobilización de 2,6 millóns de euros, e co que a Xunta ten logrado desbloquear a construción do gasoduto da Mariña Lucense.
Na inauguración, Javier Guerra lembrou que ?a Xunta considera a construción de gasodutos primarios unha cuestión prioritaria para Galicia? e salientou que ?o apoio da Xunta á posta en marcha do proxecto gasista en Alcoa foi determinante para lograr o inicio da tramitación do Gasoduto da Mariña?, que onte publicábase no BOE polo Ministerio de Política Territorial e Administración Pública.
Neste sentido, Guerra apuntou que ?isto significa que, se a tramitación administrativa non sofre máis atrasos por parte do Goberno central, a construción do Gasoduto da Mariña podería comezar en aproximadamente nun ano? e engadiu que esta infraestrutura podería permitir atender á demanda potencial de máis de 18.000 persoas.
O proxecto, financiado pola Xunta, permitirá substituír o fuel-oil por gas natural, na planta de Alúmina do complexo de Alcoa, que inclúe unha fábrica de aluminio primario e instalacións de servizos comúns, entre as que destaca o porto, e produce 1,5 millóns de toneladas de alúmina e 250.000 toneladas de aluminio, ao ano.
Deste xeito, a Consellería de Economía e Industria, ademais de incentivar a construción do gasoduto primario da Mariña e apoiar a unha empresa que emprega a máis de 1.300 traballadores, apoia a redución das emisións de gases de efecto invernadoiro e de anhídrido sulfuroso.
Coas novas instalacións para almacenamento de gas natural e a reconversión da tecnoloxía de subministración da planta de fuel-oil a gas natural, a empresa acada unha capacidade de 600 m3 de gas natural licuado, cunha redución de 20.000 toneladas anuais de emisións de CO2.
Javier Guerra, concluíu que ?a Xunta é ambiciosa no ámbito gasista, porque así nolo esixe a actual conxuntura e as perspectivas de desenvolvemento social e económico para a nosa Comunidade, xa que actualmente, ningunha empresa competitiva, con necesidade de calor nos seus ciclos produtivos, pode prescindir do gas, como principal fonte enerxética?.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
