Nota de prensa
A Deputación favorece que 60 novos desempregados da provincia atopen traballo nas profesións con máis futuro
– Trátase de 4 novas accións formativas, subvencionadas pola Consellería de Traballo e impartidas polo INLUDES, e que están estreitamente relacionadas cos sectores laborais máis demandados: sociosanitario, medio ambiente e novas tecnoloxías
– Para favorecer a participación, tanto na formación teórica como na práctica, os beneficiarios reciben unha axuda máxima de 400 euros, equivalente ó 75% da contía establecida polo IPREM
– Esta iniciativa, coa que a Deputación contribúe a frear o paro, súmase ó Pacto Provincial polo Emprego; programa co que se duplicará a formación remunerada que se presta na actualidade, ampliando as prazas de 576 actuais a 1.200
A Vicepresidenta Segunda da Deputación, Lara Méndez, supervisou este luns o funcionamento dos novos cursos que puxo en marcha a Deputación no INLUDES para crear novos postos de traballo nos campos laborais onde realmente hai futuro. Trátase de 4 novas accións formativas que está a impartir o Institución de Desenvolvemento Económico e Social e que benefician a 60 desempregados da provincia. Lara Méndez destacou que “na Deputación temos unha teima: baixar a lista de parados. Por iso, iniciativas coma esta, que apostan por unha formación de calidade para dar unha saída laboral estable que perdure no tempo, creo que son útiles para todos. Ademais, os cursos tiveron un gran éxito de convocatoria. No INLUDES rexistrouse unha auténtica avalancha de peticións, chegando a triplicarse o número de solicitudes con respecto ás prazas ofertadas. Deste xeito, seguimos con ese obxectivo de seguir dando alternativas de futuro a aquelas persoas que ó mellor xa acabaron a súa formación reglada ou que por idade teñen máis dificultades”.
As accións formativas dispoñen de 1.320 horas de docencia e están estreitamente relacionadas coas áreas sociosanitaria, medio ambiente e novas tecnoloxías. Todas están xa a pleno rendemento e, nalgúns casos, algunhas aproxímanse ás 500 horas. En horario de mañá desenvólvense as de Monitor Sociocultural e Técnico de Sistemas en Enerxías Renovables e, pola tarde, as de Técnico de Nutrición e Dietética e Auxiliar de Enfermeiría en Xeriatría.
Co obxectivo de favorecer a participación, tanto para a formación teórica como práctica, os participantes reciben unha axuda máxima de 400 euros para gastos de transporte, conciliación e inserción, equivalente ó 75% da contía establecida polo IPREM. Así mesmo, para garantir a eficacia da formación, os cursos, que están financiados con 150.000 euros pola Consellería de Traballo, só teñen unha capacidade para 15 persoas.
Unha vez rematada a parte teórica, a Deputación buscará as empresas para as prácticas profesionais, procurando que estean o máis próximas ós domicilios dos beneficiarios e para aforrar ó alumnado os gastos de desprazamento.
Novos fondos para reducir o paro
Esta iniciativa súmase a outras coas que a Deputación contribúe a frear o paro na provincia. É o caso do programa europeo Pacto Provincial polo Emprego, a través do que o organismo provincial xa está a formar a 576 desempregados nas profesións diagnosticadas previamente como as de maior futuro en Lugo. Destes, 250 xa iniciaron as prácticas en empresas. Precisamente o 27 de xullo comezarán esta parte da formación os participantes do curso de “Operacións básicas de pisos e aloxamento” que se está a desenvolver en Viveiro, Rábade e Sober.
Un total de 1.600 persoas formalizaron a solicitude para participar na 1º convocatoria deste programa, case o triple das prazas ofertadas. Tendo e conta o seu éxito, a Deputación formalizou en marzo a solicitude ante o Ministerio de Política Territorial para acadar novos fondos europeos que permitan dar continuidade a este programa, a través dun novo proxecto: Pacto polo Emprego 2 que, novamente, está cofinanciado polo Fondo Social Europeo nun 80% e conta cun investimento total de 3.571.526 euros, de tal xeito que é o proxecto que conseguiu máis fondos en Galicia dos subvencionados polo FSE.
Ante os bos resultados, a institución provincial creará nos próximos catro anos máis traballo nos novos nichos de emprego; duplicará a formación remunerada que a Deputación presta na actualidade, ampliando as prazas de 576 participantes actuais a 1.200; e facilitará que os beneficiarios poidan obter o Certificado de Profesionalidade, que é imprescindible para moitas profesións.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
