Nota de prensa
Prestixiosos expertos de deseño en España participarán no taller internacional de Sargadelos que impulsa 
o CENTRAD
– A 40 edición, que se desenvolverá en agosto na fábrica mariñana e que reunirá a unha decena de profesionais en arte e innovación, sentará as bases para desenvolver novos proxectos que contribúan a impulsar economicamente o sector da artesanía e o deseño
– Esta iniciativa, que xurde do convenio asinado con Sargadelos, a Deputación fai posible que as xornadas conten con dúas especialistas na materia de Cuba, quenes compartirán cos asistentes a súa experiencia profesional
– O deseño aplicado á gastronomía e unha exposición sobre a arte de Alemaña, constitúen os principais atractivos do encontro que converterán a Cervo na capital española do artesanía
A Vicepresidenta Segunda da Deputación, Lara Méndez, a Deputada de Artesanía e Deseño, Regina Polín, e o presidente do consello de administración de Sargadelos, José Luis Vázquez, presentaron este xoves a corenta edición do Taller Internacional de Tendencias Cerámicas Sargadelos 2011 que, durante o mes de agosto, reunirá na factoría cervense ós mellores expertos en arte, deseño e innovación de España e que teñen gran repercusión internacional, convertendo a este Concello na capital española da artesanía. Tal e como explicou Lara Méndez, o encontro “permitirá dar un pulo á economía de Cervo, debido, por un lado, á visita dos asistentes que durante varios días se aloxarán no municipio e, por outro, polo contido das xornadas, xa que Sargadelos é o buque insignia da cerámica non só en Lugo e en Galicia senón tamén en toda España”. Pola súa banda, Regina Polín subliñou que “este taller é un exemplo do que buscamos coa Centro de Artesanía. É un intercambio de experiencias a nivel mundial que permitirá poñer a provincia no mapa”.
Regina Polín subliñou que esta iniciativa é o resultado das xestións levadas a cabo pola Vicepresidenta Segunda e que se materializan no convenio asinado no mes de maio cos representantes da fábrica mariñana. Segundo o acordo o organismo provincial achegou 15.000 euros para a celebración destas xornadas formativas nas que os artistas internacionais combinarán a elaboración de pezas elaboradas de xeito tradicional, e sen moldes, coa presentación dos seus traballos co obxectivo de compartir experiencias e de impulsar futuros proxectos que contribúan a impulsar economicamente o sector da artesanía e o deseño.
En total, participarán unha decena de deseñadores industriais con gran repercusión internacional e outras 20 persoas especialistas na materia chegadas de países como Korea ou Italia. Forman parte da nova xeración do deseño español e representan ás principais firmas do país. Son os seguintes: Luis Eslava –estudo adicado á fabricación de produtos con formas experimentais-; Martín Azúa –artista vasco que colabora como deseñador para diferentes empresas compaxinando esta actividade co traballo de experimentación e investigación que xa foi amosado en exposicións de Barcelona, Milán, Londres, Berlín, París, Viena, Estados Unidos, Tokyo, ou Pequín; Nadadora –empresa de Valencia especializada na creación de produtos e na proxección de obras de interiorismo ó deseño gráfico-; Díez+Díez –estudo madrileño adicado ó deseño do produto-; Cenlitrospormetrocadrado –empresa de Santiago de Compostela que basea a súa liña de actuación no deseño e na comunicación dende unha orientación humanista, atendendo a funcións de carácter emocional e social-; La Granja -estudio recoñecido polo seu talento creativo e traxectoria multidisciplianar. Conta cun equipo especializado en interiorismo, deseño industrial e na creación de montaxes efímeras para exposicións-.
O CENTRAD, tal e como recolle o convenio, terá a súa plena disposición as conclusións do encontro. Deste xeito, será a folla de ruta a seguir na creación de novas iniciativas dirixidas a potenciar o sector artesanal e xerar riqueza na provincia. Así mesmo, no marco deste acordo e tendo en conta a relación que Sargadelos mantivo no pasado con Cuba, a Deputación, a través do Centro de Artesanía, fai posible que as xornadas conten con dúas prestixiosas deseñadoras do país latinoamericano, quenes amosarán ós asistentes do encontro o seu traballo e a súa experiencia profesional. Trátase de Mayelin Guevara e de Giselle Monzón. A primeira, adícase ó mundo da xoiería, empregando como base da mesma o círculo que, superpón, repite e interrelaciona tratando de lograr expresión de infinitude e dinamismo. Pola súa banda, Monzón encárgase de elaborar a imaxe visual das exposicións e eventos que se presentan no Centro de Desenvolvemento das Artes Visuais cubano.
Gastronomía e cerámica
As xornadas terán como actividade principal o obradoiro: “Deseño Industrial, Arte e Gastronomía Contemporánea”. Trátase dunha novidosa iniciativa, que estará dirixido por Marta Rois, e que consiste na análise da interacción entre o deseño e a gastronomía nas súas diversas vertentes, facendo fincapé nos obxectos especialmente concebidos para servir alimentos específicos: dende a taza de café ata a culler para tapas. O obxectivo é que os participantes aprendan a mirar doutra forma os alimentos e que afonden na concepción dos obxectos que optimicen a degustación tendo en conta as súas propiedades organolépticas e, por outra banda, as súas características físicas e estéticas.
Esta actividade terá unha duración de dúas semanas. Comezará o día 1 de agosto e rematará o día 15 dese mesmo mes, e desenvolverase en horario de mañá, de 9:00 a 13:00 horas, os primeiros oito días na fábrica mariñana e os restantes na factoría que Sargadelos ten en Sada. Para elo, a entidade pon a disposición dos participantes as súas cociñas e o centro de documentación e a exposición permanente. Ademais, permitirá establecer novas vías de colaboración entre os expertos e Sargadelos, xa que unha vez finalizada esta etapa de toma de contacto, cada equipo, pola súa conta, desenvolverá o seu proxecto coa fábrica, que se considerará rematado cando as 6 pezas ou series se estén comercializando.
Deseño alemán en Cervo
Outro dos atractivos do encontro é a prestixiosa exposición “Modelos de Ulm 1953-1968”, que viaxa a Galicia, recalando en Cervo, logo de ser exposta no Museo Nacional de Artes Decorativas de Madrid, e que permanecerá dende o 4 ó 31 de agosto na sala de exposicións da antiga fábrica de fundición de Sargadelos. Mediante fotografías de gran formato, paneis de texto, pezas gráficas, bocetos de deseño, produtos ou vídeos, a mostra amosa a amplia variedade de enfoques teóricos desta disciplina alemana herdeira de Bauhaus.
Esta Escola de Deseño foi unha das máis importantes do seu tipo. Adicouse á ensinanza, investigación e desenvolvemento no campo do deseño. A especial metodoloxía educativa contribuíu a definir o rol do deseñador industrial profesional e continúa influíndo na ensinanza do deseño a nivel mundial. A tecnoloxía e a industria foron enfocadas pola Escola como fenómenos culturais e as ciencias como a referencia central do deseño. Este innovador enfoque do deseño impactou no mundo dos obxectos do fogar e renovou a imaxe da República Federal de Alemaña co deseño dos Xogos Olímpicos de 1972.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
