Nota de prensa
RAQUEL ARIAS VISITA NO VICEDO AS OBRAS DE MELLORA NA ESTRADA LU-862, NAS QUE A XUNTA ESTÁ A INVESTIR PRETO DE 6 MILLÓNS DE EUROS
A delegada territorial destacou a importancia das tarefas deste proxecto de modernización, que inciden directamente na seguridade dos veciños da zona e os usuarios da estrada
A Consellería de Medio Ambiente, Territorio e Infraestruturas promove estes traballos de mellora da seguridade viaria ao longo de 20,2 quilómetros da vía entre Viveiro e o límite coa provincia da Coruña
O Vicedo, 29 de xullo de 2011.- A delegada territorial da Xunta de Galicia en Lugo, Raquel Arias, visitou hoxe as obras de mellora e reforzo que se están acometendo na estrada LU-862, no treito comprendido entre o límite coa provincia de A Coruña e Viveiro, pasando polo concello de O Vicedo. O Executivo galego, a través da Consellería de Medio Ambiente, Territorio e Infraestruturas, leva a cabo esta iniciativa mediante a Sociedade Pública de Investimentos (SPI).
O departamento autonómico de Medio Ambiente, Territorio e Infraestruturas investiu 5.966.117 euros nesta obra na estrada LU-862, que está dividida en varios plans de actuación. Estes son: a rehabilitación do firme da estrada; a mellora das interseccións; a adecuación das barreiras metálicas á normativa vixente, así como a renovación de balizas de sinalización e a ampliación ou reposición de beirarrúas en treitos puntuais en Celeiro; e a construción dunha senda peonil no acceso á praia de San Román.
A delegada territorial, que estivo acompañada polo alcalde do Vicedo, José Jesús Novo Martínez, e polo xefe territorial do departamento, José María López Vega, resaltou que todas estas melloras supoñen “una modernización das infraestruturas que deriva nun incremento da seguridade viaria, sempre pensando nos veciños e nos usuarios das vías”.
Proba disto é que entre algunhas das obras proxectadas, destacan o reforzo do firme mediante unha capa de rodaxe que facilitará unha mellora na condución, a instalación de barreiras de protección para motoristas ou a substitución das sinais deterioradas.
A máxima representante do Executivo galego na provincia subliñou que “a Xunta actual está a incidir nas actuacións viarias, cuxo fin non é outro que a mellora das comunicacións ao longo da comunidade e, por ende na provincia lucense, incidindo así de xeito directo na mellora da calidade de vida das nosas veciñas e veciños”.
Arias explicou en que o remate contractual das obras está previsto para setembro do ano 2012. Ao longo destes dezasete meses terá lugar a modernización e rehabilitación de 20,2 quilómetros de estrada entre o límite provincial e Viveiro. Se ben, para facilitar o tráfico durante os meses de xullo e agosto non se levarán a cabo actuacións nas zonas de travesía, a fin de facilitar a comunicación viaria durante o período estival nesta zona de gran afluencia de visitantes pola beleza do seu litoral e das súas praias.
Ata o de agora tense levado a cabo o fresado e reforzo, así como a instalación da capa de rodaxe no tramo da estrada que discorre dende o límite coa provincia da Coruña ata O Vicedo. Ao longo destes meses centrais do verán procederase a colocación da sinalización horizontal e aos traballos relacionados coa instalacións das barreiras metálicas.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
