Nota de prensa:
AS ORGANIZACIÓNS DE PRODUTORES PESQUEIROS SUBMINISTRARÁN MÁIS DE 67 TONELADAS DE PEIXE FRESCO PARA UNHA CAMPAÑA DE PROMOCIÓN DA XUNTA QUE BENEFICIARÁ OS ESCOLARES
Sete organizacións de produtores pesqueiros e acuícolas subministrarán máis de 67 toneladas de peixe fresco para a campaña de promoción da Xunta O sabor da aventura está no mar que beneficiará os escolares de entre 6 e 12 anos. Esta campaña, que xa se
desenvolveu ao longo do curso 2010-2011, busca promocionar os produtos pesqueiros de Galicia e tamén impulsar o consumo de peixe galego fresco nos comedores escolares públicos. Durante este curso beneficiará preto de 19.000 nenos a través de 180.000
racións de peixe galego fresco.
Debido ás súas propiedades nutritivas, Mar considera que o peixe fresco desembarcado nos portos galegos constitúe a mellor proposta para este programa, de aí que para continuar desenvolvéndoo, o Consello da Xunta autorizase a sinatura deste convenio. As organizacións encargadas de fornecer as especies obxecto da campaña, é dicir, a xarda, o lirio, o xurelo, a pescada, a sardiña, o mexillón, o rodaballo e a troita, son a OPP 59 Asociación de Pordutores de Rodaballo, a OPP-4 Organización de Produtores da Pesca Fresca do Porto de Vigo, a OPP-18 OPMEGA-Organización de Produtores do Mexillón de Galicia, a OPP7 Organización de Produtores da Provincia de Lugo, a OPP-8 OPROMAROrganización de Productores de Pesca Fresca del Puerto y Ría de Marín, a OPP-65 Productores de Trucha ADSG ATRUGAL e a OPP-69 Organización de Produtores Artesanais de Galicia, OPAGA.
Ademais de subministraren aos comedores escolares dos centros públicos o peixe fresco para a realización das receitas e posterior degustación entre o alumnado dos centros docentes, as organizacións tamén se encargarán do almacenamento e refrixeración deses produtos pesqueiros e da súa preparación e envase, en condicións hixiénicosanitarias axeitadas para o seu transporte.
O departamento que dirixe Rosa Quintana persegue con esta iniciativa un dobre obxectivo; por unha banda incidir e equilibrar as dietas alimenticias, fundamentalmente nas idades infantil e xuvenil e, pola outra, valorizar e fomentar os produtos da pesca de Galicia. O importe destinado a este convenio é de 126.900 euros e estará vixente ata xullo de 2012.
O sabor da aventura está no mar
A Consellería do Mar pretende con esta campaña educar e achegar o mundo do peixe aos nenos e transmitirlles a importancia da presenza do peixe e do marisco na dieta incidindo nos seus valores nutritivos. Tamén busca proporcionar aos estudantes coñecementos sobre as distintas especies de peixe e as súas características nutricionais, a través das actividades lúdico-formativas que contempla esta campaña.
Esta iniciativa, que xa se desenvolveu no curso anterior, está destinada ao público infantil, facendo especial fincapé nos centros públicos do interior, nos cales os alumnos xeralmente teñen menor coñecemento dos produtos do mar. Para o desenvolvemento completo da campaña a Consellería do Mar conta coa colaboración das consellerías de Sanidade e Educación. A primeira encárgase de coordinar os servizos necesarios e subministra os materiais precisos para o desenvolvemento dos traballos e das actividades derivadas do acordo. A Consellería de Educación selecciona os centros públicos que participen no programa e Sanidade encárgase do asesoramento técnico na elaboración dos menús na procura dunha dieta saudable do alumnado.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
