Nota de prensa
OS 86 SOCORRISTAS SUBVENCIONADOS POLA XUNTA NA MARIÑA REALIZARON UN TOTAL DE 760 INTERVENCIÓNS NO QUE LEVAMOS DE PERÍODO ESTIVAL
A Xunta aporta unha dotación de preto de 400.000 euros para a contratación de postos profesionais en praias e piscinas da costa lucense durante os meses estivais
Xunto ao fomento do emprego, estas achegas pretenden contribuír á excelencia turística da Mariña
No conxunto da provincia de Lugo, o investimento a través dos Plans de Cooperación alcanza os 9.026.466 euros, xerando un total de 913 empregos, dos que 291 corresponden á comarca costeira lucense
Cervo, 08 de agosto de 2011.- Ata un total de 86 profesionais contratados nos municipios da Mariña mediante as subvencións concedidas pola Xunta de Galicia levan a cabo distintas tarefas de control e salvamento en praias e piscinas da zona. No que levamos de tempada de verán, rexistráronse un total de 760 intervencións e incidencias. Esta iniciativa encádrase dentro dos Plans de Cooperación que o Executivo galego, a través da Consellería de Traballo e Benestar, desenvolve na provincia lucense.
Estes profesionais están encargados da vixilancia, salvamento e socorrismo en praias e municipios da Mariña lucense que, debido ao seu marcado carácter turístico, son os que concentran a gran maioría deste tipo de contratos sufragados mediante os Plans Cooperativos. De feito, no 2011 aumentouse a dotación de efectivos situados no litoral, pasando de 73 socorristas nas praias a un total de 78 no presente exercicio, e pasando a 86 no total dos municipios da comarca.
A dotación orzamentaria destinada a estas tarefas é de 326.680 euros para a zona da Mariña, que ascende a preto de 400.000 euros (399.980 euros) ao sumar os contratos dedicados á limpeza e atención sanitaria nos areais.
Os concellos, grazas a estas subvencións concedidas pola Xunta de Galicia poden acometer a contratación de socorristas profesionais para os meses estivais. Barreiros, Burela, Cervo, Foz, Ourol, A Pontenova, Ribadeo, Trabada, Valadouro, O Vicedo, Viveiro e Xove son os doce concellos que contan con profesionais contratados. Vixilancia, socorrismo e salvamento en praias da Mariña e en distintas piscinas municipais son as labores que desenvolven os máis de 80 profesionais seleccionados para estes postos.
Así mesmo, a Xunta subvenciona a contratación de 18 traballadores destinados á limpeza dos areais en Viveiro, Cervo, Burela e Foz, por importe conxunto de 62.000 euros. Ademais, neste último municipio sufraga con 11.300 euros os contratos de 3 traballadores durante os 3 meses de verán dedicados a prestar atención sanitaria nas praias.
Na comarca da Mariña, é claro que as contratacións dos Plans de Cooperación relacionadas cos labores de socorrismo e limpeza de areais inciden directamente na boa imaxe das nosas praias que perciben veciños e visitantes, contribuíndo deste xeito á promoción turística da comarca.
Ademais, as subvencións concedidas no marco deste programa, que están en consonancia coas peticións que formulan os concellos, financian tamén contratacións máis xenéricas (para mantemento de espazos naturais, brigadas de servizos múltiples…) que os concellos poden derivar cara ás áreas de praia nestes meses de verán.
A delegada territorial, Raquel Arias, subliña o importante investimento “que realiza a Xunta de Galicia neste plan de fomento do emprego, que ten consecuencias inmediatas e permanentes dado que se renova cada ano”. Ao respecto, invita á Deputación Provincial a ampliar tamén o plan de emprego provincial, posto en marcha antes das eleccións municipais con carácter puntual, e realizar sucesivas convocatorias nos anos vindeiros.
Intervencións dos socorristas
Das máis de setecentas intervencións que tiveron lugar nas distintas praias da Mariña, a práctica totalidade son as consideradas como intervencións menores. Esta denominación utilízase para referirse a picaduras, feridas, lipotimias, queimaduras e fracturas. Dende o período comprendido entre o 1 de xuño de este ano o e 31 de xullo, 741 actuacións encádranse nesta categoría. Tan só 19 poderían considerarse como intervencións maiores, entre os que se atopan rescates varios.
Os casos máis frecuentes nos que estes socorristas interviñeron durante xuño e xullo refírense a picaduras de distintos insectos ou fanecas. A continuación, rexístranse as feridas, rozaduras e cortas contra rocas, pedras ou similares. En tódolos casos estas incidencias resolvéronse sen maiores consecuencias grazas á rápida intervención dos profesionais designados para o control das praias e a seguridade dos usuarios.
Plans de cooperación
Os Plans de Cooperación da Xunta de Galicia, desenvoltos pola Consellería de Traballo e Benestar, son un instrumento para a subvención de postos de traballo a persoas sen emprego, co fin de facilitar unha formación e experiencia laboral aos beneficiarios deste programa. Ademais, mediante distintas obras de carácter social, búscase un beneficio conxunto para a sociedade.
Os programas de cooperación teñen unha evidente vertente social e son de carácter anual. No conxunto da provincia de Lugo, o investimento total este ano alcanza os 9.026.466 euros, xerando un total de 913 empregos, cuxa duración media ronda os seis meses por traballador.
No caso dos concellos da costa lucense, o Executivo galego investiu no 2011 2.316.053 euros para a contratación de 291 postos de traballo. Estes datos supoñen un incremento con relación a exercicios anteriores, posto que se xeran máis de 50 postos por riba dos financiados no pasado ano.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
