IAGO MÍGUEZ: ‘A MELLOR RECOMPENSA NO MEU REGRESO AO BURELA FS SERÍA O MERECIDO ASCENSO’
“Comezo unha etapa moi motivadora; veño con ganas e ilusión para facer cousas importantes. A mellor recompensa sería o merecido ascenso, un obxectivo polo que o club leva tantos anos pelexando; como un burelao máis, creo que o equipo o ten máis que merecido”. Así definiu Iago Míguez (Burela, 1991) a súa reincorporación ao Burela FS, tras catro anos no Azkar Lugo FS, no cadro que liderará Quique García en 2011-12.
O ala-pivote, acompañado polo presidente e o vicepresidente do club, José Ramón González Casas e Manuel Blanco, na súa presentación, agradeceu a disposición e o interese amosados dende a entidade laranxa. “Sempre me sentín moi apoiado pola directiva do Burela; en repetidas ocasións me amosaron o interese polo meu regreso. Sendo un xogador da base laranxa non podía renunciar a un proxecto da casa, que todos os anos loita por acadar a Primeira División; por iso solicitei a carta de liberdade no Azkar” dixo Míguez, que tamén quixo facer referencia á súa etapa transportista: “Estou moi agradecido polo trato que recibín, polo apoio e tamén porque tiven a oportunidade de adestrar e aprender con xogadores de moi alto nivel, pero o corazón sempre tirou por volver á casa”.
O burelao recoñeceu que regresa como un deportista máis experimentado e perseverante: “Volvo como un xogador máis formado, coa experiencia que dá a Primeira División. Con esixencia, traballo e constancia estou seguro de que poderemos recoller moi bos froitos ao final de tempada. Pola miña parte, renderei ao máximo tanto en ataque coma en defensa”.
Con respecto á vindeira cita do Burela FS, o Memorial Celso Currás de Trabada (sábado 20, 18.30 horas), o mariñán destacou o aliciente que supón xogar contra o seu anterior conxunto: “Vai ser unha competición moi bonita, con moito nivel. Na nosa semifinal, ante o Azkar, poderá haber moitas sorpresas xa que ambos os dous cadros chegamos con caras novas”. Iago tamén falou da emoción con que agarda o inicio da liga e o regreso a Vista Alegre para xogar de laranxa. “Vai ser moi especial; dende que entrei na escola do Burela FS sempre desexei chegar algún día a ser un xogador do cadro sénior. Espero responder como se merecen o club e a afección” matizou o ala-pivote.
Dende as filas laranxas, José Ramón González Casas e Manuel Blanco manifestaron o orgullo do club por “ter de novo entre nós a unha das xoias formadas na nosa escola. Sentímonos privilexiados por contar coa contribución de Iago, un xogador moi novo que non só posúe experiencia na máxima categoría senón que tamén é internacional sub-21”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
