Nota de prensa
VIBRANTE DERBI NO MEMORIAL CELSO CURRÁS
Trabada viviu un vibrante derbi lugués co encontro do sábado entre o CD Burela FS e o Azkar Lugo FS, no VII Memorial Celso Currás; a garra e presión dos laranxas non impediron que o resultado caera do lado transportista (4-1). O título foi finalmente para o sensacional xogo do Dinamo de Moscova, que se impuxo aos lucenses por 2-7, tras eliminar nas semifinais o Autos Lobelle de Santiago (4-1).
O choque entre transportistas e laranxas deparou emoción e intensidade, con moitas oportunidades para ambos os conxuntos. No entanto, no intercambio de golpes a fortuna aliouse co Azkar para inaugurar o marcador, no minuto 9, nunha contra culminada por Aranburu. En menos dun minuto, chegou o 2-0, de Ossorio. Lonxe de virse abaixo, os burelaos intentaron reducir as distancias intensificando a presión, pero, cos dous equipos cargados de faltas, o Azkar subiu o 3-0 (minuto 15), nun dobre penalti. Juanma e Víctor Cachón, dende os dez metros, tiveron senllas ocasións sen o final desexado.
No reinicio, o Burela FS tomou a iniciativa e o peso do encontro na busca da ansiada recompensa, que chegou no minuto 30, cun gol de Ique á escuadra. Os mariñáns optaron polo xogo de cinco, abandeirado por Purao, que bateu co tanto definitivo dos lugueses, de Ossorio (minuto 38).
Próxima cita. O santuario de Vista Alegre acollerá a vindeira cita dos burelistas; será o sábado, 27 de agosto, ás 19.00 horas, ante o Concello de Trabada FS, da Terceira División.
Ficha técnica
Azkar Lugo: César, Juanpe, Ossorio, Iago Rodríguez e Jacobo, no cinco inicial; tamén xogaron Antonio, Kiko, Aranburu, Jhony, Adri, Diego, Illi, Jandri, Alex Diz e Óscar.
Burela FS: Brais, Clebinho, Víctor Cachón, Ique e Iago Míguez, no cinco inicial; tamén xogaron Dani Martín, Purao, Juanma, André, Turero, Manu e Iago Barro.
Árbitros: Martínez Torres e Cid Bragado (Ourense). Amoestaron con cartón amarelo a Ossorio e Kiko (Azkar). Expulsaron por vermella directa a Clebinho (Burela).
Goles: 1-0, minuto 7, Aranburu; 2-0, minuto 9, Ossorio; 3-0, minuto 15, Aranburu (dobre penalti); 3-1, minuto 30, Ique; 4-1, minuto 38, Ossorio.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
