VODAS DE PRATA
A pasada semana tivo lugar a XXVI edición da Feira do Libro de Foz, o que quere decir que o tradicional certame acadou o estatus das vodas de prata.. Efectivamente foi en agosto de 1986 cando por vez primeira os xardíns portuarios da praza Conde de Fontao convertíanse temporalmente en espléndido escaparate no que satisfacer as ansias dos lectores, ou a simple curiosidade das persoas que se acercaran a contemplar a novedosa mostra dos libros a pe de rúa.
Diremos que poucas persoas do complexo e difícil mundo dos libros crían que a de Foz fose unha feira con futuro: e non faltaba razón a tal presaxio á vista de cómo, pobos de maior entidade que o noso, non foron quen de mantela e cómo, noutros casos, fixérono a trancas e barrancas, faltando anos á cita. Non ocurríu, sen embargo, en Foz que dende o primeiro día ata hoxe non tivo interrupción, o que por outra parte convertiuno no evento cultural mais importante da nosa vila, se atendemos a algúns paràmetros: é o de mais longa duración, pois nengún outro ten acadado os 25 anos de vida; é o que rexistra mais concurrencia, pois a suma das distintas edicións son moitos miles de persoas as que levan pasado por ela e é tamén ó que acudiron mais intelectuais á nosa vila: como pregoeiros, escritores para presentar seus libros e asinalos, conferenciantes, actores, contacontos, etc.
A Feira do Libro deu a Foz nome e prestixo no mundo da cultura.
A edicion que o domingo á noite remataba resultou tamén exitosa; obtivo unha moi boa asistencia de público, nela foron presentados varios libros e publicacións, entre eles o do nª 2 de Bolanda, a magnífica revista que edita A Pomba do Arco, contacontos, mago, actuacións folclóricas. Pechou esta XXVI edición da Feira do Libro a Banda de Música de Foz, que foi moi aplaudida, baixo a dirección de Arcadio Mon.
Facemos votos porque a Feira do Libro de Foz perviva por moitos anos, para maior groria do noso pobo.
Suso Fernàndez
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
