O PSOE consideran que a situación de deterioro da sanidade na Mariña ten como obxectivo por “a potenciación da sanidade privada” parte do goberno do PP

NOTA DE PRENSA

OS SOCIALISTAS ESIXIRAN NO PARLAMENTO DE GALICIA UN COMPROMISO CLARO E FIRME DO GOBERNO DE FEIJOO COA ATENCIÓN SANITARIA PÚBLICA DA MARIÑA DE LUGO

-Dende o PSdeG-PSOE consideran que a situación de deterioro da sanidade na comarca da Mariña ten un obxectivo estratéxico claro por parte do Goberno do Partido Popular “que é a potenciación da sanidade privada, ou dito doutro modo poñer o negocio por encima do dereito dos cidadáns”

-Rego afirmou que a situación “é o suficiente e escandalosa como para recibir unha resposta contundente dos cidadáns a prol dun servicio que custou moito esforzo conseguir”

Burela, 28 de agosto de 2011. O deputado do Grupo Parlamentario Socialista Ismael Rego dixo hoxe que esixiran no Parlamento un compromiso claro e firme da Xunta coa atención sanitaria publica os cidadáns da comarca. Rego anunciou hoxe que interpelara á Conselleira de Sanidade sobre a supresión das ambulancias e a precarizacion que están sufrindo o conxunto dos servicios sanitarios da zona

Dende o PSdeG-PSOE consideran que a situación de deterioro da sanidade na comarca da Mariña ten un obxectivo estratéxico claro por parte do Goberno do Partido Popular “que é a potenciación da sanidade privada, ou dito doutro modo poñer o negocio por encima do dereito dos cidadáns”.

Rego afirmou que a situación “é o suficiente e escandalosa como para recibir unha resposta contundente dos cidadáns a prol dun servicio que custou moito esforzo conseguir”, e lembra que xa daquela houbo que loitar “contra intereses e estratexias non moi distintos os que hoxe defende o actual goberno de Galicia”.

O deputado socialista non descarta que o seu Grupo Parlamentario force unha votación no Parlamento que obrigue aos deputados do PP a posicionarse a prol ou en contra dos dereitos dos cidadáns da Comarca, e que esta limitando o Goberno que sustentan.