Nota de prensa
O GOBERNO BURELÉS MANTIVO UNHA XUNTANZA CON FOMENTO PARA AVANZAR NO PXOM. GONZÁLEZ BARCIA ASEGURA QUE O INFORME EMITIDO POLO MINISTERIO ESTIVO OCULTO NO CONCELLO DESDE O PASADO MES DE OUTUBRO.
Burela, 29 de agosto de 2011. Representantes do goberno burelés mantiveron unha xuntanza esta mañá con responsables de Fomento en Lugo para avanzar no PXOM. O alcalde asegurou que o informe emitido no seu día polo Ministerio estivo oculto no Concello desde o pasado mes de outubro.
José María González Barcia explicou que “hai uns momentos acabamos de rematar o encontro que mantivemos en Lugo co xefe provincial da Demarcación de Estradas para falar do informe que no seu día emitiu o Ministerio de Fomento e que afecta de forma moi directa ao Plan Xeral de Ordenación Municipal do noso concello”. O rexedor lembrou que “dito informe estaba no Concello desde o pasado mes de outubro e desde ese momento por parte do bipartito non se fixo absolutamente nada para negociar as súas conclusións co Ministerio, cousa que nós non entendemos pola sinxela razón de que nel se fala de dúas cuestións que afectan directamente á elaboración e ao futuro do PXOM. Por un lado, a inclusión solicitada nese mesmo informe con carácter obrigatorio do trazado proposta polo Ministerio de Fomento para a autovía Barreiros-San Ciprián”. O equipo de goberno entende que “eso debería negociarse, xa que si Fomento nos obriga a marcar unha superficie que non nos obrigue a delimitar esa única superficie, senón que nos deixe marxe para poder determinar unha zona de protección de insfraestructuras, que podería para esa ou outra infraestructura”.
González Barcia seguiu a relatar que “o segundo aspecto que aparecía reflexado tamén nese documento e que nos preocupa bastante é o que se refire á liña de edificabilidade delimitada pola propia variante. A variante ten agora mesmo unha afectación de 100 metros e nós imos defender diante do Ministerio de Fomento a posibilidade de que o solo urbán quede fora desa afectación, que nós entendemos que é o máis lóxico”.
O alcalde de Burela dixo que “o encontro de hoxe foi unha primeira toma de contacto co Ministerio de Fomento” e subliñou que “nunca antes desde o Concello se tiveran posto en contacto con este departamento para ver estas cuestións que desde o noso punto de visto non só afectan ao PXOM en sí senón a moitos cidadáns do noso concello”.
Ao encontro celebrado en Lugo acudiu tamén o concelleiro de Urbanismo, Manuel Fernández Valle, o técnico municipal e técnicos da empresa redactora do PXOM. O rexedor tildou de cordial, positiva e constructiva a xuntanza e sinalou que “reflicte as boas relacións que sempre tivo a Demarcación de Estradas co Concello de Burela, algo que se remonta ao anterior mandato do PP neste municipio”.
Barcia anunciou que “dentro dunha semanas imos ter un encontro coa Demarcación rexional de Estradas do Estado na Coruña, porque son eles os que nos poden guiar sobre a plasmación no plan xeral desa superficie de protección para infraestructuras que sería por onde pasaría esa autovía, que por certo tres anos despois aínda non se teñen resolto as alegacións presentadas ao respecto”. O rexedor burelés amosóuse preocupado “porque se nos obriga a marcala no plan xeral, pero non sabemos si ese vai ser o trazado definitivo, polo que de ser así sairían perxudicados o conxunto dos cidadáns deste concello”.
González Barcia subliñou que “seguiremos a traballar neste tema e igual que nos reuniremos coa Demarcación de Estradas na Coruña temos prevista para setembro unha xuntanza coa Secretaría Xeral de Urbanismo para tratar sobre o informe que a Xunta remitiu no seu día, co obxectivo de tentar acelerar ao máximo posible a elaboración e a aprobación do PXOM de Burela”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
