Nota de prensa
MÁIS DE 27.000 PERSOAS SOLICITARON INFORMACIÓN NAS OFICINAS DE TURISMO DE RIBADEO EN AGOSTO. FERNANDO SUÁREZ CONVIDA ÁS OUTRAS ADMINISTRACIÓNS A TRABALLAR PARA E POR AS CATEDRAIS, UN AREAL QUE SE ESTÁ A CONVERTER NUN DESTINO INTERNACIONAL SINGULAR.
Ribadeo, 31 de agosto de 2011. Máis de 27.000 persoas solicitaron información nas oficinas de turismo de Ribadeo no mes de agosto, segundo os datos que daba a coñecer no día de hoxe o alcalde. Fernando Suárez convida ás outras administracións a traballar para e por As Catedrais, un areal que se está a converter nun destino internacional singular.
Suárez Barcia dixo que “estes datos correspondentes ao mes de agosto desde o punto de vista turístico convidan á esperanza, convidan á ilusión e a seguir traballando así de ben neste ámbito. O turismo estáse revelando como un sector moi importante a xulgar polos 27.559 visitantes que viñeron pedir información ben á oficina de turismo que temos no parque de San Francisco ou ben ao punto que temos na praia das Catedrais. Pola oficina ubicada nese areal pasaron 13.950 persoas e pola da vila 13.609. Éstas son cifras tremendamente positivas e escandalosas. Si a estes datos lles engadimos as 18.000 persoas que solicitaron información no mes de xullo temos que no verán as oficinas de turismo de Ribadeo atenderon a 45.636 visitantes”.
Os datos deste verán víronse incrementados con respecto aos de 2010, “si facemos unha comparativa co ano anterior, podemos ver un incremento de 7.467 visitantes durante o período estival, cifra moi positivas a pesares do aumento da crise. Logo si os que nos visitan gastan máis ou menos, iso xa é outra cousa, pero que veu máis xente neste verán é algo no que non cabe ningunha discusión”, sinalou o rexedor ribadense.
Fernando Suárez tamén se referiu ao perfil dos visitantes, “moitos madrileños, aumentan os cataláns e os vascos, asturianos de fin de semana e galegos forman este turismo de proximidade que estamos a recibir en Ribadeo. Polo que refire aos extranxeiros, son os alemáns os que lideran o ránking, seguidos dos franceses e xa a máis distancia ingleses, belgas, italianos e outras nacionalidades”. E engadiu que “no referente aos albergues durante este verán 808 persoas pernoctaron neles, 385 no albergue que o Xacobeo ten nas inmediacións do Cargadeiro e 423 no albergue municipal que temos en Vilela”.
Para o alcalde “todas estas cifras convidan a seguir traballando polo turismo de Ribadeo para continuar actuando non só na tempada alta senón tamén o resto do ano, convidan a unha reflexión tanto á Xunta como ao Ministerio, que se deixen de fogos de artificio e que entre todos traballemos por e para As Catedrais porque se está a configurar coma un destino internacional singular. Confío en que estes datos e este bó facer continúe nas tempadas medias non tan altas, pero que sen dúbida seguirán atraendo xente a Ribadeo”.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
