Nota de prensa
O GOBERNO MUNICIPAL AFIRMA QUE “EN 2011 BURELA INGRESA 800.000 EUROS MENOS DOS PRESUPOSTADOS POLO BIPARTITO” E SUBLIÑA QUE OS INGRESOS NON CUBREN OS GASTOS PREVISTOS. GONZÁLEZ BARCIA LEMBROU QUE NO 2010 GASTÓUSE MÁIS DO QUE SE INGRESOU.
Burela, 13 de setembro de 2011. O goberno municipal burelés prevé unha diminución considerable no presuposto municipal para 2012, porque “para elaborar eses presupostos temos que fiarnos sobre os ingresos que realmente temos recoñecidos para o presente ano, e non sobre o que o bipartito presupostou que se ía percibir”, explicou esta mañá o alcalde, José María González Barcia. O equipo de goberno afirma que “en 2011 Burela ingresa 800.000 euros menos dos presupostados polo bipartito” e subliña que “os ingresos non cubren os gastos previstos”.
Facendo coincidir unha vez máis a celebración da xunta de goberno de carácter quincenal, o equipo de goberno que lidera González Barcia deu unha rolda de prensa para facer repaso sobre a realidade e a xestión municipais. Barcia indicou que o “equipo de goberno está xa a traballar no presuposto municipal para 2012. Cada concelleira e cada concelleiro están a preparar candasúa programación presupostaria, que a continuación será abordada polo equipo de goberno no seu conxunto para establecer as prioridades que hai que marcar en función do noso programa electoral e tamén en función, é obvio, da situación de crise económica que estamos a vivir”.
O rexedor foi máis aló e deu datos, “a pasada semana, o Sr.Casas, concelleiro de Economía, deu uns datos que non por ser coñecidos deixan de ser preocupantes, porque veñen revelar que o que nós decíamos, e que o bipartito se empeñaba en contradecir, era verdade e polo tanto os datos son reais, porque o Ministeiro de Hacienda acaba de facelos oficiais provisionalmente: gastáronse en 2010 un millón douscentos mil euros que non se contaba ingresar”.
Segundo o goberno municipal do PP, “a situación de 2010 foi prolongada polo bipartito para o presente ano”. Segundo sinalou José María González Barcia, “no presente ano, o bipartito contaba ingresar un total de seis millóns douscentos mil euros, segundo o presuposto oficial de 2011, pero resulta que ingresaremos escasamente cinco millóns catrocentos mil euros, segundo os datos oficiais que nos deu a intervención municipal hai uns días. E ollo, xa puxemos ao cobro todos os padróns que se podían poñer, contribución, vados, etc, e os datos que damos contabilizan o que nos queda por cobrar por transferencias do Estado, Xunta e Deputación no que queda de ano”.
O alcalde manifestou que, “polo tanto, temos un desfase, xa na tramitación e aprobación dos propios presupostos para o presente ano de prácticamente oitocentos mil euros, pero en contra do Concello, ou sexa, en contra dos veciños e veciñas de Burela. Xa no seu día advertimos que se aprobaba un presuposto inflado no capítulo de ingresos, pero a resposta foi culpar ao PP de situacións anteriores”.
González Barcia dixo que “aínda que é cedo para dar datos de cara ao presuposto de 2012, está claro que os presupostos van ter unha reducción considerable, porque de entrada os ingresos que xenera o propio Concello vanse ver reducidos, porque xa se reducen no presente ano”. E engadiu que “cadaquen pode poñerlle o calificativo que queira á política económica do bipartito burelés, pero a día de hoxe todo o mundo tén claro que ninguén, incluidas as administracións, poden gastar máis do que teñen”.
Proxecto de modificación da praza da Igrexa.
O rexedor tamén contou que a Xunta de Goberno aprobou definitivamente a modificación do proxecto do entorno da praza da Igrexa, obra que conta cun presuposto de 67.500 euros e que está incluida dentro do Plano Extraordinario de Obras da Deputación Provincial de Lugo. As modificacións afectarán fundamentalmente ao solo, que inclúe adoquinado, fronte á propia igrexa e na parte dereita da mesma, entre o templo e as edificacións anexas á casa rectoral. Tamén se colocarán bolardos, máis iluminación, e se mellorarán as escaleiras de acceso ao templo.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
