RIBADEO .- (FNC) A obra complementaria de Torrentes, segundo explica o alcalde, Alfredo Llano, “está a piques de cruzar a vía principal de Arcadio Pardiñas. Trátase dunha obra maiúscula e de moita importancia para o conxunto do pobo xa que estamos a facer unha rede separativa de pluviais e residuais”. O rexedor pide “paciencia ós veciños polas molestias que lles imos ocasionar xa que só estará operativo para a circulación un dos carrís de Arcadio Pardiñas. Quero que teñan en conta as dificultades que se dan para cruzar con grandes tuberías porque por alí pasan moitos servizos e non podemos afectalos. Eso leva consigo que empreguemos máis tempo do habitual nunha obra deste calibre. Habilitamos un paso de cebra para que os peóns saiban perfectamente por onde teñen que pasar coa máxima seguridade posible”.
Fondo estatal
Alfredo Llano ven de confirmar que “os 15 proxectos que presentamos ao fondo estatal de inversión foron aprobados. A partires de agora tentaremos licitar canto antes esas obras para que comencen tamén axiña”.
Parque infantil
O Concello tamén está a piques de rematar a construcción dun parque infantil na Marosa. O alcalde di que “leva moito mobiliario para que os nenos disfruten cando vaian cos seus pais a esa zona ou mesmo á praia. Agardo que o parque sexa aproveitado e disfrutado polo nosos pequenos”.
Temporal
O alcalde de Burela seguiu hoxe a supervisar algúns dos danos causados polo temporal da pasada fin se semana. Llano sinala que “estamos a facer unha valoración de todos os desperfectos e faremos un informe que se apoiará con fotografías para solicitar as axudas onde corresponda”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.