Nota de prensa
O PROFESORADO DA MARIÑA REXEITA EN REFERENDO, E DE XEITO ABRUMADOR, AS MEDIDAS TOMADAS POLA CONSELLARÍA DE EDUCACIÓN.
A CIG-ENSINO considera un feito histórico a participación e, polo tanto, a implicación do profesorado no rexeitamento dos recortes no ensino público.
Á espera de rematar o escrutinio, e unha vez recollidos os datos de máis da metade dos centros da Mariña, os resultados son os que seguen:
Estás de acordo cos recortes no ensino público?
SI: 1%
NON: 98%
ABSTENCIÓN: 1%
A Consellaría de Educación impuxo un horario lectivo. Estás de acordo con este incremento?
SI: 5%
NON: 92%
ABSTENCIÓN: 3%
Estás de acordo con que o profesorado teña entre as súas funcións a vixilancia do alumnado transportado?
SI: 2%
NON: 96%
ABSTENCIÓN: 2%
Consideras que as diferentes medidas adoptadas pola Consellaría de Educación melloran a calidade do ensino?
SI: 5%
NON: 94%
ABSTENCIÓN: 1%
Á vista destes resultados temos que tirar as seguintes conclusións:
1º. A alta participación demostra que o profesorado está moi sensibilizado e preocupado pola actual situación do ensino público. Participou no referendo un 95% do profesorado de primaria e un 75% do de secundaria, porcentaxes que superan a todas as consultas feitas até este momento.
2º. O profesorado rexeita de xeito abafante as medidas tomadas pola Consellaría de educación no que respecta á ampliación do horario e custodia do alumnado transportado.
3º. O profesorado considera que as medidas adoptadas pola Consellaría de Educación non melloran a calidade do ensino, en contra do que difunde o Sr Conselleiro.
Desde a CIG-ENSINO valoramos de maneira moi positiva a altísima implicación do profesorado e esperamos que a Consellaría de Educación tome boa nota da súa opinión, rectificando a súa política con respecto ao ensino público.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
