Nota de prensa
GUILLERME AFIRMA EN VIVEIRO QUE ANTE AS POLÍTICAS FRACASADAS DOS “R” A ÚNICA ALTERNATIVA É O BLOQUE “POR GALEGO E POR ESQUERDA”
“Galiza ten que pesar máis no Estado, temos que ter a ambición de colocarnos á altura de Euskadi e Catalunya, e iso pasa inescusabelmente por dar máis forza ao BNG en Madrid”
Viveiro, 8 Novembro 11. Ao final o debate bipartidista si que tivo unha virtualidade, a de deixar en evidencia que ante as políticas fracasadas dos R -de Rajoy e de Rubalcaba- “a única alternativa en Galiza é o Bloque por galego e por esquerda”.
Así o afirmou na súa intervención no mítin de Viveiro o líder do Bloque Nacionalista Galego, Guillerme Vázquez.
“Galiza cae a cachos a consecuencia das políticas de recortes que practican tanto o PP desde a Xunta como o PSOE desde o Estado, mais diso os do R non falaron absolutamente nada no seu debate bipartidista”, enfatizou o portavoz nacional.
O líder do BNG deu ao auditorio un feixe de razóns para votar BNG. “As políticas de recortes xa non dan máis de si. Ninguén con dous dedos de frente pode ignorar que son políticas que só conducen a máis paro e máis crise. Hai dous anos, aínda se podía discutir o seu resultado. Hoxe, está máis claro que a auga que non levan a ningures, que son responsábeis da crise máis grave que se ten vivido en décadas, unha crise que ou mudamos o rumo ou fará que a de 1929 pareza unha anécdota”, considerou.
Imponse, portanto, unha viraxe. “O 20-N hai que ir votar pensando en Galiza e nos intereses das maiorías sociais. As políticas de recortes só son beneficiosas para unha minoría de privilexiados. A maioría sae perdendo con elas”, dixo. Como só beneficia a unha minoría, esas políticas non poden aplicarse máis que con métodos autoritarios e antidemocráticos. “Por iso non quixeron convocar un referendo para aprobar a reforma da Constitución. Por iso se botaron a tremer cando Grecia amagou con consultar o pobo. Porque saben que esas políticas non é que sexan impopulares, é que son antipopulares”, dixo.
A democracia en sentido etimolóxico, lembrou, é o poder do pobo. O poder da maioría. “Neste momento vivemos unha crise profundísima da Democracia porque o poder non o ten o pobo, non o ten a maioría, o poder teno unha moi exigua minoría de privilexiados que impón á súa lei, a lei do máis forte”, alegou.
MÁIS FORZA EN MADRID
A saída da crise pasa por máis esquerda -non por máis dereita- e pasa por máis forza para Galiza en Madrid.
“Necesitamos máis autogoberno, máis poder propio. O centralismo sempre foi negativo para Galiza. A dereita ten como proxecto a concentración do poder económico e do poder político. Por iso ve no autogoberno un obstáculo. Por iso o PP ve no BNG un problema”, reflectiu.
O líder do BNG chamou ás galegas e aos galegos a que se movan para que Galiza pese máis no Estado. “Temos que ter a ambición de colocarnos á altura de Euskadi e Catalunya, e iso pasa inescusabelmente por darmos máis forza ao BNG en Madrid”, concluiu.
MARÍA XOSÉ VEIGA
Pola súa parte, a cabeza de lista do BNG pola provincia de Lugo, María Xosé Vega, destacou a aposta pola igualdade en todos os sentidos que caracteriza aos nacionalistas galegos e vencellou claramente a consecución deste obxectivo “á existencia duns servizos públicos de calidade e gratuítos, dereito que as políticas de recortes da Xunta do PP e do Goberno central do PSOE están a poñer en perigo”.
María Xosé Vega puxo especial énfase na igualdade entre homes e mulleres. “Ten que existir unha educación que vaia nese rumbo, no da igualdade. Pero debido á ausencia dunha aposta polo benestar, agora mesmo as mulleres aínda somos coidadoras a tempo parcial e de non darmos un xiro ás políticas sociais é posíbel que en breve volvamos á condición de enfermeiras a tempo completo ou simples amas de casa, sen posibilidade de acceder ao mercado de traballo. Só o BNG ten claro que ese non é o camiño, que as mulleres non podemos volver atrás”.
Ademais, a candidata do BNG por Lugo denunciou o duro recorte ás axudas á dependencia que está a caracterizar a xestión do PP na Xunta. “Feijóo deixa sen efecto case o 80 por cento dos cartos destinados a esta importante parcela do benestar e afunde o Plan concertado cos concellos, seguramente porque cre nos servizos sociais privados, non nos públicos”, indicou.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
