Nota de prensa
RECORTES DA XUNTA DE GALIZA NO PLAN CONCERTADO: 47.000 € MENOS PARA O CONCELLO DE BURELA
A finais de outubro chegaron aos concellos, e ao de Burela tamén, as resolucións do chamado Plan Concertado cun recorte drástico e inxustificado nas achegas da Xunta de Galiza relativas aos gastos englobados neste Plan de Prestacións Sociais Básicas. Xusto cando, por efecto da crise económica, maior é a necesidade de recursos e prestacións sociais para atender ás persoas que con máis dureza están a sufrir as súas consecuencias, o PP na Xunta de Galiza vén de suprimir e recortar as achegas que desenvolven servizos sociais básicos.
No pleno que se celebrou no Parlamento galego o 14 de xuño deste ano debateuse unha iniciativa do BNG na que se instaba á Xunta de Galiza a incrementar o financiamento do Plan Concertado de Prestacións Básicas de Servizos Sociais de competencia municipal para así asegurar a plena cobertura destes servizos sociais. E a posición do PP foi votar en contra desta proposición. E, non só se negaron a incrementar o financiamento do Plan Concertado senón que reduciron drasticamente os fondos aos concellos, por debaixo do xa recortado nas previsións orzamentarias do ano 2011; e o máis grave é que os concellos contaban con estes fondos tal e como fora anunciado e xa teñen comprometidos ou realizados estes gastos.
Pois ben, polo que se refire ao Concello de Burela, estes recortes supoñen un 83% menos para o Servizo de Axuda no Fogar (38.330 € concedidos no ano 2010 e só 6.583 € para o ano 2011) e un 38% menos no servizo de Atención Temperá (58.000 € no ano 2010 e só 36.123 para o ano 2011). Con respecto a este servizo de Atención Temperá, hai que lembrar que, dende que foi asumido polo Concello de Burela hai máis de cinco anos este servizo que atende a toda a Comarca, sempre a Xunta de Galiza concedeu subvención para mantelo e agora o PP recorta en case un 40% a súa aportación.
En total, por este Plan Concertado que inclúe o persoal dos servizos sociais municipais (as traballadoras sociais e a educadora familiar), o programa de Atención Temperá que atende a toda a comarca e o Servizo de Axuda no Fogar na súa prestación básica, o Concello de Burela vai recibir este ano case 47.000 € menos có ano pasado, unha cantidade que terá que ser asumida, agora xa case a final de ano e cos servizos xa prestados, polas arcas municipais porque o PP na Xunta nos recorta esa cantidade.
Por todo isto, imos presentar unha moción para debater no próximo Pleno na que se inste á Xunta de Galiza á restitución inmediata dos créditos eliminados para o financiamento do Plan Concertado do ano 2011, para poder continuar cos programas englobados no citado plan de servizos sociais e de prestacións básicas e atención ás familias e colectivos con problemas. Tamén, instar á Xunta de Galiza a que nos Orzamentos do ano 2012 garanta como mínimo as cantidades consignadas no 2010 para o Plan Concertado e que demande do Goberno do Estado o mantemento das cantidades que a Administración do Estado tiña destinadas o pasado ano 2010 ao cofinanciamento dos plans e programas sociais, minorados polo acordo do Consello de Ministros no mes de febreiro pasado.
E, o máis importante para os veciños e veciñas de Burela, con esta denuncia pública e a presentación da moción poderemos saber cal é a postura do PP de Burela, que en todo este asunto nada dixo. O PP de Burela non se pronunciou ante estes recortes da Xunta nin dixo o que ía pasar co servizo de axuda no fogar no noso pobo (cun recorte de máis do 80% na aportación da Xunta) nin se o Concello de Burela ía continuar co servizo de Atención Temperá que atende a toda A Mariña e que agora terá que pagar nunha parte importante só o Concello de Burela.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
