HAI PAÍS DESPOIS DO 20-N?
Malo, pero haino. Así que o mellor que podemos facer é ir pensando xa no día despois, que este non será o 21 N, o primeiro día normal que nos chegará situarase o 9 de xaneiro. Se non se asusten, pero é a verdade.
Fagamos contas, a última semana de novembro para facer análise e sentar na cadeira de brazos para ver como roda o Cava (agora o PP volverá falar catalán na intimidade) e sobre todo como rodan cabezas.
A primeira semana de decembro, con martes e xoves como festivos, este país convértese en inhábil até o 12. Día no que empezarán a poboarse algunhas cidades (as que se poidan permitir pagar as luces) de adornos do Nadal.
A semana do 12 ao 22, estará chea de comidas e ceas, preparativos, lotería e algún que outro desgusto. Así que ninguén me negará que unha vez metidos en pleno nadal, este país entra nunha especie de Nirvana espiritual que sen darnos conta métenos en plena celebración dos Reis Meigos.
E como temos a sorte de que este ano os reis caen en venres, alargaráse a festa até o mesmo domingo 8. Ese día todo o mundo facendo contas de como afrontar a situación real, algúns tirándose dos pelos por gastar en agasallos máis da conta, outros pensando como afrontar a costa de xaneiro máis longa e empinada das últimas décadas e a maioría rezando para que o Santo Rajoy saque por fin do seu peto o candil maravilloso que nos fará a todos felices.
Apaga o candil marica chús, chús
Apaga o candil que ten moita lus
Que ten moita lus moita claridá
Apaga o candil e achégate alá
Pero cando despertemos ese día 9, comprobaremos que nos espera un 2012 que levará por diante máis dunha ilusión, e moitos soños poden correr o risco de converterse en pesadelos. Pero tranquilos, os mozos do Mundo, Intereconomía, ABC, A Razón, etc., xa teñen apuntado no seu caderno os titulares. A CULPA É DO IMPRESENTABLE DE ZAPATERO QUE NOS DEIXOU UNHA HERDANZA QUE NIN O PAPA DE ROMA, TAN SABIDO E TAN SANTO, SABERÍA XESTIONAR
Así que o mellor, que gocemos este final de 2011 e cantemos aquello tan vello de:
Yo tenía una ilusión y ese amor fue lo más bello
Yo tenía la esperanza que tú volvieras de nuevo
Yo tenía una ilusión y ese amor fue lo más bello
Necesito tu calor negrita aquí te espero
Yo tenía una ilusión y ese amor fue lo más bello
Yo sé que tú me quieres a mí y yo a ti te quiero
Uyyy
Otero Regal.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
