Nota de prensa
ADEGA participa na Semana Europea de Prevención de Residuos
Esta semana, do 19 ao 27 de novembro celébrase a Semana Europea de Prevención de Residuos. Esta esta iniciativa nace en Europa para fomentar a concienciación na prevención da produción de residuos, reducir a cantidade dos xerados, prolongar a vida útil e a reutilización dos produtos, evitar e diminuir os efectos nocivos dos residuos no medio e na saúde humana. A semana europea da prevención dos residuos focalizase en dous conceptos da Directiva Marco europea 98/2008/CE sobre residuos: a prevención de residuos e a preparación para a reutilización que son os dous primeiros niveis de prioridade na xerarquía de residuos na nova lei 22/2011 de Residuos e Solos Contaminados. Dende ADEGA organizamos unha serie de actividades tanto para concienciación da poboación en xeral pero sobre todo o que reivindicamos é que a Xunta de Galicia aposte de verdade pola redución, a reutilización e a reciclaxe dos residuos fronte á queima e enterramento que practica SOGAMA.
As actividades organizadas para esta semana son:
-Concurso de ideas para a prevención de residuos: durante esta semana irán aparecendo na nosa web as ideas enviadas, entre todas celebraremos un sorteo dun kit de compostaxe, composteiro, manual e libro. O sorteo será o xoves 24 e a entrega do premio o venres 25.
-Instalación de composteiros en centros de ensino: o mércores 23 instalaremos un composteiro no CEIP Xoaquín Loriga de Lalín. O obxectivo desta actividade é que os alumnos coñezan o funcionamento da compostaxe e o compromiso por parte do centro de compostar os residuos orgánicos nas propias instalacións reducindo a cantidade de residuos que van a para ao contedor municipal.
-Visita a planta de tratamento de residuos do Barbanza: o xoves 24 iremos a iremos a visitar a planta de tratamento de residuos da Mancomunidade do Barbanza. Como exemplo de aproveitamento dos residuos, nesta mancomunidade recóllense os restos orgánicos por separado coa finalidade de transformalos en compost, conseguen unha porcentaxe moi alta de recuperación de envases lixeiros e manteñen un programa de educación ambiental dirixido a escolares e asociacións para incrementar a conciencia da redución e a importancia da correcta separación dos residuos
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
