Nota de prensa
O BNG da Mariña presenta emendas parciais aos orzamentos da Xunta para incrementar o investimento na comarca en mais de 13 millóns de euros.
Manuel Parga destaca que as propostas na súa maioría van encamiñadas a investimentos produtivos para a xeración de emprego e o mantemento de servizos sociais e sanitarios básicos.
O Vice – responsábel comarcal Xoán Antón Estúa critica a ausencia de compromiso do PP coa comarca que certifica o fracaso do goberno de Feijoo en materia laboral, social e económica.
A Mariña, 28 de novembro de 2012. O BNG da Mariña por medio do seu Vice – responsábel comarcal, Xoán Antón Estúa e o parlamentario Manuel Parga fixeron públicas as emendas parciais aos orzamentos da Xunta 2012 presentadas polos nacionalistas da Mariña. Ambos destacaron que as propostas dos nacionalistas mariñaos xiran en torno a incrementar os investimentos dirixidos á xeración de emprego na comarca e a manter os servizos sociais e sanitarios básicos. Os nacionalistas criticaron a ausencia de compromiso do PP coa comarca e o incumprimento dos compromisos dos populares que certifican o fracaso do goberno de Feijoo en materia laboral, social e económica.
Os nacionalistas pretenden multiplicar por dous o investimento real da Xunta na comarca para 2012.
Manuel Parga explicou que no paquete de emendas parciais inclúense partidas económicas “que pretenden compensar a ausencia de compromiso inversor do goberno de Feijoo coa Mariña a pesar dos numerosos compromisos efectuados por diferentes representantes institucionais e políticos do PP en tempos ben recentes.” O nacionalista cuantificou en mais de 13 millóns de euros o paquete de emendas presentadas que multiplicaría por dous o investimento real previsto na actualidade pola Xunta para 2012. Parga puntualizou algunha das emendas entre as que destacou a dirixida a incrementar o investimento na VAP da costa en 3 millóns de euros e 1,5 para a LU-124 que conecta A Pontenova, Mondoñedo e Riotorto coa A-8, outra partida para o Hospital da Costa de 2 millóns, as partidas xenéricas para concertos da Consellaría de Traballo e Benestar cos concellos a fin de compensar a perda de emprego ou para o Plan Concertado que deixou na estacada aos concellos do país na actual anualidade.
O PP ten que asumir as súas responsabilidades como goberno e deixar de botar balóns fora.
O Vice – responsábel comarcal nacionalista Xoán Antón Estúa, cualificou o goberno do PP como “brigada de demolición” en política social e “fábrica de desemprego” en materia laboral e económica, “mentres A Mariña e o conxunto do país sufre as consecuencias da crise en forma de desemprego, o PP bota balóns fora ou mira cara outro lado sen aplicar ningunha medida que non sexa meter a podadora nos servizos sanitarios, sociais ou educativos e sempre apuntando ás capas sociais mais desfavorecidas”. O nacionalista demandou “medidas compensatorias nos concellos que están sufrindo os recortes no Plan Concertado e aqueles que están afectados por EREs que condenan ao paro e a parálise económica”, Estúa exemplificou nas problemáticas abertas cos despedimentos e peches de empresas en Lourenzá e Mondoñedo insistindo en que “a Xunta non pode asistir pasivamente ao desmantelamento económico da comarca permitindo o peche de empresas sen achegar solucións nin alternativas” .Neste sentido explicou que “a Consellaría de Traballo ten capacidade para tomar medidas nos concellos afectados que deberían compensar os golpes desta crise.”
Os dous parlamentarios do PP con residencia na comarca terán a oportunidade de demostrar si están para servir á cidadanía da comarca ou so para aguantarse na poltrona.
Para rematar, os nacionalistas explicaron que hai outras emendas de carácter local que van dirixidas a completar e mellorar infraestruturas sociais, de saneamento, para abastecemento de auga ou para vivenda protexida. Parga e Estúa agardaron o apoio dos dous representantes populares con residencia na comarca a estas emendas, algunhas delas para investimento nos seus propios concellos de residencia e outras que formaban parte de compromisos electorais anunciados por eles mesmos.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
