Nota de prensa
O BNG DENUNCIA QUE O PREZO DA AXUDA NO FOGAR EN BARREIROS INCREMÉNTASE PARA TAPAR OS RECORTES DA XUNTA DE GALIZA. OS NACIONALISTAS ADVIRTEN QUE SE DUPLICA A CANTIDADE QUE OS USUARIOS DEBEN PAGAR POR UNHA HORA DESTE SERVIZO E QUE SUBE TAMÉN A PORCENTAXE DE COPAGAMENTO.
Barreiros, 29 de novembro de 2011. Na sesión plenaria celebrada na tarde de onte en Barreiros, o BNG mostrouse contrario á suba dos prezos do servizo de axuda no domicilio que presta a entidade municipal ás veciñas e veciños do concello. A modificación da ordenanza e do regulamento presentada pola Alcaldía supón o incremento do prezo da hora que pasa de 6,02 euros a 12 euros. Ademais, presentouse unha redución dos tramos para o copagamento en función da renda, supoñendo que haberá persoas que cunha renda igual ao salario mínimo pase de pagar un 10% do servizo ao 20%.
O Bloque Nacionalista Galego posicionóuse en contra desta suba do servizo de axuda no fogar, “por considerar que non se pode cargar o seu custe nas usuarias e usuarios, sobre todo tendo en conta as pensións que perciben as xubiladas e xubilados do noso concello. O que non pode ser é que se venda que este servizo é máis económico que se o tiveran que custear de xeito privado, xa que se supón que se trata dun servizo público que xa está pagado polas e polos barreirenses por medio dos seus impostos. Unha vez máis, fálase tamén de copago neste servizo, cando en realidade se debería falar de repago”.
O BNG considera que “o incremento do prezo deste servizo é unha reacción do goberno municipal ao recorte efectuado polo goberno do Partido Popular na Xunta de Galiza que, unha vez máis, demostra que a prestación dos servizos sociais non é unha prioridade para eles. O que está a facer o Partido Popular é cargar o peso dos custes destes servizos nas usuarias e usuarios, baixo a desculpa da austeridade e da crise namentras se despilfarra o diñeiro público noutros temas. O silencio da Alcaldía cando se coñeceron os recortes da Xunta tradúcese agora nun incremento do custe para as usuarias e os usuarios”.
Violencia de xénero
Na sesión plenaria de onte tamén se tratou unha moción presentada polo BNG relativa ás políticas de prevención e tratamento da violencia de xénero. Ana Ermida, a portavoz nacionalista no Concello de Barreiros, sinalou que “na moción debatida, que foi aprobada por unanimidade, ínstase á Xunta de Galiza a que impulse a posta en funcionamento das obrigas impostas pola Lei 11/2007 que están pendentes de desenvolvemento; en concreto, a creación do Observatorio Galego da Violencia de Xénero e a posta en marcha do Centro de Recuperación Integral. Tamén se acordou instar tanto á Xunta de Galiza como á Deputación Provincial a que faga unha planificación para a realización de campañas periódicas de sensibilización contra a violencia de xénero, que se realice a formación das e dos profesionais implicados na atención e tratamento das vítimas, e que garanta o dereito á atención psicolóxica no ámbito sanitario público cuestión tamén recollida na lei”.
Este lume iniciouse ás 14.51 horas do luns e para a súa extinción mobilizáronse, de xeito acumulado, 2 técnicos, 14 axentes, 20 brigadas, 21 motobombas, 1 pa, 5 helicópteros e 7 avións. 
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
