Deixade á cultura en paz!
O de meterse coa cultura denigrándoa e facendo dela un pandeiro, éche un conto que ven de vello e que a ninguén colle desprevido. No anterior mandato, no concello de Ribadeo temos asistido a unha contumaz marcaxe á concelleira de cultura, Mari Luz Álvarez Lastra, e a todo o seu labor. Ao longo de todos os seus anos como concelleira recibiu innumerábeis apoios que, posteriormente, víronse referendados nas urnas.
Pero toca mirar cara a adiante. E aos que seguen na oposición, facer control da acción de goberno. Agora ben: mentir porque si, difamar a ver se algo queda, non. Cómpre desmontar tanta falacia arteira e trapalleira. Desde a Concellaría de Cultura xa se deron datos certeiros que desmenten tales insidias. E por moito que a unha persoa, de xeito improvisado e inconsciente, se lle ocorra disparar arreo contra a actividade cultural porque está de moda, a xente seria e responsábel debería contrastar antes a información no canto de apuntarse pola comenencia a laretar contra a actividade cultural. Non deixa de ser curioso que os que máis critican o gasto en certa maneira de entender a cultura (a de base), despois son os que celebra(ba)n as inversións faraónicas tipo Cidade da Cultura.
Temos insistido moitas veces tanto na dimensión formativa e enriquecedora da actividade cultural como tamén na súa vertente socio-económica. Cando escoitamos a Banda Municipal, aprendemos, gozamos da música, xeramos actividade social, vida polas rúas. Se ademais vén xente doutros concellos, dun e outro lado da ría, mellor que mellor. E se a nosa Banda leva o nome de Ribadeo alí por onde vai demostrando o seu saber facer, excelente. Outrosí ocorreu con actividades como OFestivalON. Cando se contrata un grupo de teatro, outro tanto do mesmo. Pensar que o teatro para nenos é desbaldir o diñeiro é de necios, pois precisamente grazas a el logrouse incorporar a público adulto a esta actividade. Se ademais hai coordinación con outras concellarías para aproveitaren entre si as diferentes actividades, ideal.
Pero aínda así haberá quen, a pesar das cifras dadas acerca do esforzo económico feito desde a Concellaría de Cultura, siga a dicir que se dilapida o diñeiro. Esta é a semente que plantou, e segue a plantar, a dereita reaccionaria: ao mundo da cultura, nin auga. Só o ven como farándula. Aos docentes, como larcháns. Todo o que soe a aprender a pensar por un mesmo hai que denigralo publicamente. É o que levan feito desde hai anos. Agora, en Ribadeo, sumóuselles un solista que desafina como un descosido. A maior abondamento, está a atopar quen lle quere apañar uns coros. Pero, en fin, mellor facer como quen oe chover e seguir construíndo cultura desde a base, apoiala participando nas distintas actividades, demandándoas. Pola boca ha(n) morrer o(s) peixe(s).
Farruco GRAÑA
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
